Sali Berisha solli serbo-boshnjakun Fazlliç në 2005, i dha vila qeveritare dhe e bëri pjesë të Këshillit të Sigurisë; me të pastroi 132 milionë euro në Qipro së bashku me Argita Berishën e Jamarbër Malltezin. Edi Rama solli izraelitin Ron Yeffet në 2018, i dha monopolin e armëve, municioneve e dronëve dhe vilën nr. 31 të Enver Hoxhës, ndërsa Yeffet është në gjyq në SHBA për mashtrim financiar... Dy sundimtarët e regjimit, Sali Berisha dhe Edi Rama, kanë sjellë në Shqipëri mafiozë ndërkombëtarë, me të cilët kanë krijuar lidhje familjare dhe u kanë dhënë pasuri e fonde publike; u kanë krijuar terren biznesesh e monopole në sektorë strategjikë, jashtë kontrollit të shtetit.
Damir Fazlliç, "lavatriçja" e miliardave e familjes "Berisha"
Në prill 2005, tre muaj para se Sali Berisha të rikthehej në pushtet, në Shqipëri erdhi mafiozi ndërkombëtar serbo-boshnjak Damir Fazlliç, i shfaqur hapur në krah të Sali Berishës dhe i prezantuar si "kryekëshilltar" i fushatës elektorale të PD-së.
Ndërsa 6 muaj pasi Sali Berisha filloi detyrën si kryeministër, Damir Fazlliç hapi kompanitë e para në Shqipëri, me objekt aktiviteti në energji, puse nafte e gazi, import karburante, shit-blerje tokash shtetërore, import-eksporte mallrash, agjenci konsulencash për bizneset, përfshirje në investimet e rrugëve, furnizim me armë e municione për forcat e armatosura.
Fillimisht, Damir Fazlliç krijoi kompanitë "Rudnap", "Blancers Petroleum", "Rompetrol" e "Petrol Slovenia Tirana", të gjitha pa kapital financiar për aktivitetet në vazhdim, pa deklarime bilancesh tatimore e pa transaksione bankare.
Në këto kompani kontrabande dhe "lavatriçe" miliardash të korrupsionit gjatë pushtetit "Berisha" e të trafiqeve, u përfshinë Argita Berisha dhe bashkëshorti Jamarbër Malltezi, gjoja si partnerë për konsulenca juridike e mjedisore, por ata ishin ortakë në hije me Damir Fazlliç.
Këtë e vërtetoi dosja penale "Parku Porto Romano 2009" në Durrës, ku rezultoi se kryeministri Sali Berisha, në favor të mafiozit serbo-boshnjak Damir Fazlliç e rrjedhimisht të vajzës dhe dhëndrit për të nxjerrë miliona euro fitime, vendosi të zgjerojë parkun ekzistues energjetik me 810 ha, nga 51 ha që ishte projekti i miratuar në vitin 2001.
Në dosjen penale Nr. 3258, të përgatitur nga prokurori Genti Xholi, është faktuar pastrimi i 132 milionë euro korrupsion në Shqipëri e Qipro, i bërë nga Damir Fazlliç gjatë pushtetit "Berisha", së bashku me Argita Berishën e Jamarbër Malltezin.
Këtë e fakton Kërkesa Nr. 212/32 Prot., datë 23.12.2008, drejtuar Gjykatës së Lartë të Qipros, me objekt të dhëna për aktivitetin ndërkombëtar të pastrimit të parave të krimit nga Damir Fazlliç, Argita Berisha e bashkëshorti Malltezi, të maskuara pas ortakes Flutura Kola.
Pastrimin e parave e kanë kryer nëpërmjet kompanive "Altaria Research Limited", "Avomar Limited", "Amerito Limited", "Poligraf Invests Limited", "Iron Gold Services", "Pluto INC Co LTD" e "Kelena LTD" me bazë në Qipro dhe me filiale fiktive në Shqipëri, të gjitha nën kontrollin e Damir Fazlliç dhe familjes "Berisha", të përmendura në dosjen "Non grata" nga Anglia.
Aq lidhje të ngushta e të shumëfishta interesash krijoi Sali Berisha dhe familja e tij me mafiozin serbo-boshnjak Damir Fazlliç, sa e bëri pjesë të mbledhjeve të qeverisë dhe Këshillit të Sigurisë Kombëtare, ndërsa si rezidencë personale i dha Vilën nr. 30 të ish-kryeministrit Mehmet Shehu.
Ron Yeffet, mafiozi i besuar i Edi Ramës; ka marrë monopolin e armëve
Kryeministri Edi Rama, në vitin 2018, solli në Shqipëri mafiozin izraelit Ron Yeffet, të cilit i ka krijuar zona të lira biznesi e pastrimi parash, nëpërmjet kompanive fiktive të krijuara e të marra në ortakëri dhe monopoleve në sektorë të sigurisë kombëtare.
Izraeliti i Edi Ramës ka krijuar kompanitë "Uno-18", "Timak Defence", "Timak Aviation", "Timac-Turke", "Advanced Arms Technology", "1820 Albania", "1820 Black Oil" etj.
Këto veprojnë në sektorin e nxjerrjes dhe import-eksportit të naftës, armëve, municioneve, mjeteve ushtarake, parasë elektronike dhe ndërtimeve, ndërsa një nga monopolet është ai i armëve, municioneve, dronëve e mjeteve luftarake në ortakëri me kompaninë shtetërore "Kayo".
Ron Yeffet është objekt i një padie gjyqësore në SHBA për mashtrim financiar, duke përdorur lidhjet me kryeministrin Edi Rama, emri i të cilit është përmendur për favora ekonomike me pasuritë publike, licencat dhe aktivitetet e biznesit në Shqipëri.
Aq lidhje të ngushta interesash të pista ka Edi Rama me mafiozin Ron Yeffet, sa e merr në delegacionet e qeverisë dhe sajojnë vendime e ligje klienteliste; ndërsa për qëndrim në Tiranë, i ka vënë në dispozicion Vilën nr. 31 të ish-diktatorit Enver Hoxha në qendër të Bllokut./Pamfleti ron yeffet damir fazlliç Lini një Përgjigje Anuloje përgjigjen Anti-Mafia 3 'zonjat e zeza' të Edi Ramës: Adelina Greca, Elira Kokona dhe Lorena Goxhobelli; zinxhiri i grabitjes së tokave shtetërore 10 Korrik 2026, 14:4114:41Anti-Mafia Dokumente/ Ben trafikanti, “lavatriçja” e Mirela Kumbaros; hotel e resort tjetër në Potam të Himarës, me firmën e Edi Ramës 10 Korrik 2026, 13:3113:31Anti-Mafia Aksioni i Prokurorisë në Kadastrën e Durrësit, vetëm vala e parë; pse mungon emri i "sekserit" në listën e të arrestuarve? 9 Korrik 2026, 17:1317:13Anti-Mafia “Tymi” i pazareve të Ramës në Korenë e Jugut: Gonxhe dhe Xhakolli, 7 ditë në Busan për t'u dhuruar koreanëve bregun e Pogradecit 9 Korrik 2026, 13:5013:50Anti-Mafia Dajlan Avdia i APEX dhe i librit "Albanian Files"; dosja e pronave të Lëkurësit dhe transaksionet me Vangjel Tavon. Çfarë pret SPAK? 8 Korrik 2026, 13:0413:04Anti-Mafia “Mikut” trafikant të gruas së krye-prokurorit të Fierit, Elion Mustafaj, i sekuestrohet kulla e drogës në Tiranë 8 Korrik 2026, 12:2412:24Anti-Mafia