Një aksident është regjistruar në fshatin Shalës të Bashkisë Cërrik, ku një 14-vjeçare është përplasur nga një motoçikletë.
E mitura, nxënëse e shkollës 9-vjeçare të zonës, raportohet se ka marrë plagë në kokë pas përplasjes. Sipas informacioneve paraprake nga vendngjarja, dyshohet se drejtuesi i motoçikletës po lëvizte me shpejtësi në momentin e aksidentit.
14-vjeçarja është transportuar për të marrë ndihmë mjekësore, ndërsa priten ekzaminimet për të përcaktuar gjendjen e saj dhe nëse dëmtimet janë të rënda.
Ndërkohë, policia ka nisur hetimet për zbardhjen e plotë të rrethanave të aksidentit dhe përcaktimin e përgjegjësive.