Gjermania nuk mund t’i sigurojë më Ukrainës sisteme të mbrojtjes ajrore Patriot, për shkak të rrezikut të krijimit të boshllëqeve kritike në mbrojtjen e saj. Këtë e deklaroi ministri gjerman i Mbrojtjes, Boris Pistorius, në një intervistë për grupin mediatik Funke. “Furnizimet, veçanërisht ato të sistemeve Patriot, po rezultojnë të vështira. Gjermania ka dorëzuar tashmë disa sisteme dhe një numër të madh raketash. Për momentin nuk mund të bëjmë më shumë. Çdo pajisje që do të dorëzonim tani nuk do të mund të zëvendësohej për një periudhë të caktuar kohore dhe kjo do të krijonte boshllëqe në mbrojtjen tonë, të cilat nuk mund t’i lejojmë”, deklaroi ministri gjerman i Mbrojtjes. Pistorius vuri në dukje se vende të tjera “kanë bërë shumë më pak” se Berlini, i cili pret që aleatët e tij të shtojnë përpjekjet. LEXO EDHE:Lufta në Ukrainë, Trump: Jemi pranë një marrëveshjeje të madhe, do të përfshihet edhe Europa “Duhet të zhvillojmë një diskutim shumë serioz për këtë çështje në takimin e ardhshëm të Grupit të Kontaktit për Ukrainën, në mesin e nëntorit”, deklaroi ministri gjerman. Sipas tij, mundësitë për një armëpushim në Ukrainë në të ardhmen e afërt janë të pakta. Gjermania është donatori kryesor i Ukrainës. Që nga fillimi i pushtimit rus, Berlini i ka dhënë Kievit ndihma humanitare me vlerë rreth 43,3 miliardë euro dhe ndihma ushtarake me vlerë 57,6 miliardë euro. Presidenti ukrainas Volodymyr Zelensky tha se Ukraina ka pësuar një valë sulmesh ruse për shkak të mungesës së raketave. “Fushata e sulmeve balistike të Rusisë kundër Ukrainës vazhdon dhe, fatkeqësisht, për shkak të mungesës së raketave Patriot, ka pasur goditje të konsiderueshme”, shkroi Zelensky në X. “Sot, Ukraina prodhon më shumë energji elektrike sesa konsumon. Por, për shkak se Rusia po godet nënstacionet dhe rrjetet elektrike, po përballemi me mungesa të konsiderueshme në Kiev dhe në rajone të tjera. Rusët po godasin urat mbi lumin Dnipro, nga Kievi deri në Zaporizhia. Gjatë natës që çoi në ditën e sotme, Ura Veriore e Kievit u godit. Gjashtë raketa balistike u lëshuan drejt urës dhe katër prej tyre e goditën atë. Vendi ynë do të përfaqësohet gjatë muajit nëntor në disa formate që mund t’i sjellin Ukrainës mbështetje më të madhe: G7, Koalicioni i të Gatshmëve dhe Ramstein. Po punojmë që secili prej këtyre formateve të japë rezultatet më të mira të mundshme. Dhe rezultatet duhet të përqendrohen para së gjithash te mbrojtja ajrore dhe energjia”, deklaroi Zelensky. Ndërkohë, gjatë natës, Rusia ka rrëzuar 142 dronë ukrainas në hapësirën ajrore të rajoneve të ndryshme dhe mbi Detin Azov. P.J P.J Shqiptarja.com TAG: gjermani Rusi ukraine Volodymyr Zelensky rusia sulmon ukrainen raketa Boris Pistorius Sa e vlerësoni këtë artikull? ★ ★ ★ ★ ★ 0.0 / 5 (0 vlerësime) Faleminderit! LAJMET MË TË VLERËSUARA Komente Komento Sondazhi i ditës:
3 Nëntor, 11:50
Cilin mbështesni në përplasjen politike që u hap? Ramën 49.1% Veliajn 18.6% Asnjërin 32.3% Vota total: 1781 Votat totale janë unike Sondazhi i ditës: 3 Nëntor, 11:50 Cilin mbështesni në përplasjen politike që u hap?