Nga ora 20:00 deri në 06:00 të mëngjesit janë ndaluar të gjitha demonstratat... Autoritetet franceze kanë lëshuar një urdhër për shtetrrethim gjatë natës në disa pjesë të Parisit dhe në disa qytete të tjera të vendit, pas protestave masive të fundjavës që degjeneruan në trazira, plaçkitje dhe përplasje të dhunshme me policinë, duke çuar në arrestimin e më shumë se 2,400 personave.
Sipas medieve Libération dhe France24, Prefektura e Policisë së Parisit ka dekretuar një shtetrrethim që do të jetë në fuqi nga ora 23:00 deri në orën 06:00 të mëngjesit sipas orës lokale. Kjo masë do të zbatohet specifikisht për tre kategori: Të miturit e pashoqëruar, personat që mbajnë pajisje mbrojtëse personale dhe personat që fshehin fytyrën e tyre.
Prefektura sqaron se nga ky dekret përjashtohen banorët që mund të provojnë vendbanimin në këto zona, punëtorët, anëtarët e shërbimeve publike të emergjencës dhe tregtarët lokalë.
Gjithashtu, nga ora 20:00 deri në 06:00 të mëngjesit janë ndaluar të gjitha demonstratat në zona të tjera të kryeqytetit si Bastille, Châtelet, si dhe pranë vendeve të pushtetit si Pallati Elize, Matignon, Asambleja Kombëtare dhe Senati.
Vendosja e masave ka përfshirë edhe rajone të tjera të Francës: Lille, Douai, Wattignies dhe Denain.
Zyra e Kryeministrit Sébastien Lecornu dhe prefekti i departamentit Nord njoftuan se në këto qytete veriore vendoset shtetrrethim për të miturit nga ora 20:00 deri në 06:00 të mëngjesit për ditët e hënë dhe të martë, në bashkëpunim me kryetarët e bashkive përkatëse.
Lion: Një shtetrrethim është shpallur në qendër të qytetit nga e hëna në orën 21:00 deri në 06:00 të mëngjesit të së martës.
Nicë: Kryebashkiaku Éric Ciotti vendosi shtetrrethim për të miturit nga ora 21:00 deri në 06:00, i cili do të mbetet në fuqi çdo natë deri të dielën. Kjo masë prek qendrën e qytetit, Nicën e Vjetër, lagjen Trachel dhe zonën e stacionit jugor të trenit.
Masat e jashtëzakonshme vijnë pas protestave masive ku vlerësohet se morën pjesë mbi 500,000 njerëz në të gjithë vendin, veçanërisht në Paris, Marsejë dhe Limozh.
Ministri i Brendshëm pranoi se policia "humbi kontrollin" në disa qytete për shkak të numrit të pakët të forcave të rendit, ndërsa Presidenti Emmanuel Macron kërkoi një shqyrtim të plotë të masave të sigurisë.
Situata ka nxitur edhe rebelim politik në nivel lokal. Kryebashkiaku i krahut të djathtë i Longué-Jumelles (Maine-et-Loire), Frédéric Mortier, vendosi t'i ulë flamujt e bashkisë në gjysmë shtizë dhe të heqë portretin zyrtar të Presidentit Macron.
"Dënoj me fjalët më të ashpra të mundshme dhunën dhe dëmin e kryer nga ata që shkelin ligjet tona, vandalizojnë qytetet tona dhe tregojnë përbuzje për vlerat e Republikës. Franca nuk mund të pranojë që disa të refuzojnë rregullat e përbashkëta, të hedhin poshtë kërkesat e integrimit dhe të sfidojnë autoritetin e shtetit", deklaroi Mortier, duke e quajtur qëndrimin e kreut të shtetit të padenjë për rëndësinë e ngjarjeve.macron francë Lini një Përgjigje Anuloje përgjigjen Rajoni dhe Bota Meloni nxjerr ushtrinë kundër protestave, kush është grupi “17 tetori” që po trondit qeverinë italiane 19 Tetor 2026, 20:0620:06Rajoni dhe Bota Po vjen një stuhi politike pa precedent: Europa kërcënohet nga një paralizë e plotë 19 Tetor 2026, 18:0718:07Rajoni dhe Bota Tri superfuqi, një tryezë dhe një botë për t’u riformësuar/ Plani i Putinit alarmon Evropën 19 Tetor 2026, 17:2517:25Rajoni dhe Bota Italia ashpërson masat e sigurisë pas trazirave në Milano, Meloni përgatit dekret emergjent dhe rrit gjobat për bllokimin e rrugëve 19 Tetor 2026, 16:4516:45Rajoni dhe Bota Parisi digjet nga protestat, Macron udhëton drejt Gjirit Persik; francezët e akuzojnë për arrogancë dhe shkëputje nga realiteti 19 Tetor 2026, 16:0516:05Rajoni dhe Bota Trazirat në Francë, Kryeministri fut Parisin në shtetrrethim; vendosen orët policore në disa zona 19 Tetor 2026, 15:1915:19Rajoni dhe Bota