Gazetarja e Top Channel, Elda Menga, në një lidhje live me emisionin “Shqipëria Live” me Sidorela Gjonin, u shpreh se më shumë se dy orë vijon me të njëjtin tension protesta në Bulevardin Dëshmorët e Kombit. Mënga vijoi duke thënë se para tre autoboteve të ujit janë vendosur disa protestues, të cilët kanë marrë një barrierë, në mënyrë që të mos lejojnë forcën e ujit t’i shtyjnë.
“Duhet të them se topat e ujit janë të fuqishme dhe i shtyjnë protestuesit, por ata kanë gjetur mënyrë rrethanore për t’u mbrojtur. Ka shumë gaz lotsjellës dhe granata zhurmuese, por protestuesit nuk largohen”, u shpreh Menga. Top Channel