Numri i personave të infektuar me virusin e Nilit Perëndimor në Evropën Jugore po rritet. Për këtë arsye, Ministria e Jashtme gjermane ka përditësuar këshillat e udhëtimit për disa vende të Evropës Jugore dhe ka treguar mënyrat më të mira për t’u mbrojtur nga infeksioni.Lexo edhe:Kardinali Ernest Simoni rikthehet në Spaç dhe kremton Meshën e Shenjtë: Të mos harrojmë të shkuarën Në këshillat e udhëtimit për Italinë, Francën, Spanjën, Austrinë, Hungarinë, Shqipërinë, Qipron, Maqedoninë e Veriut dhe Greqinë, Ministria e Jashtme gjermane paralajmëron për shpërthime sezonale të etheve të Nilit Perëndimor. Udhëtarëve u këshillohet që të mbrohen veçanërisht gjatë ditës dhe në orët e muzgut nga pickimet e mushkonjave. Mbrojtja më e mirë arrihet me përdorimin e preparateve kundër insekteve për lëkurën, të cilat përmbajnë DEET (dietiltoluamid) ose Icaridin. Gjithashtu ndihmojnë rrobat e gjata dhe me ngjyra të çelëta, të cilat idealisht duhet të jenë trajtuar më parë me preparate kundër insekteve. Ethet e Nilit Perëndimor janë një sëmundje virale që transmetohet kryesisht përmes pickimit të mushkonjave. Në shumicën e rasteve infeksioni nuk shkakton simptoma. Sipas Institutit Robert Koch, rreth 20 për qind e të infektuarve zhvillojnë një sëmundje me temperaturë dhe simptoma të ngjashme me gripin, e cila zgjat rreth 3 deri në 6 ditë. Në raste të rralla mund të zhvillohet një inflamacion i trurit (encefalit). Vetëm rreth 1 në 100 persona të infektuar sëmuret rëndë me formën neuroinvazive të sëmundjes. Kjo formë, në rastet më të rënda, mund të jetë edhe fatale. Aktualisht nuk ekziston vaksinë kundër etheve të Nilit Perëndimor.
