Pas shpalljes së aktgjykimit ndaj ish-krerëve të Ushtrisë Çlirimtare të Kosovës, ku Hashim Thaçi, Kadri Veseli, Jakup Krasniqi dhe Rexhep Selimi u shpallën fajtorë, situata në Prishtinë është tensionuar. Një grup qytetarësh, të mbledhur në sheshin “Skënderbeu”, kanë protestuar dhe më pas janë nisur në drejtim të zyrave të EULEX-it.
Gjatë marshimit janë shënuar përplasje mes disa protestuesve dhe forcave të rendit, ndërsa në zonën përreth janë raportuar tensione. Një numër i madh qytetarësh kanë vazhduar lëvizjen drejt zyrave të EULEX-it në Fushë Kosovë, pas zhvillimeve të sotme në Hagë.
Ndërkohë, Njësia Speciale e Policisë së Kosovës është pozicionuar pranë objektit të EULEX-it në Prishtinë. Prania e shtuar e forcave të rendit vjen në një kohë kur protestat dhe tensionet kanë vazhduar pas shpalljes së aktgjykimit.