Policia e Elbasanit ka arrestuar 52-vjeçarin Poli Boriçi, i cili tentoi të vriste me armë zjarri, 50-vjeçarin Ermir Kertezi.
Njëkohësisht, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën autori tentoi të vriste 50-vjeçarin.
Ngjarja ndodhi rreth orës 13:00, se në ambientet e jashtme të një lokali, në lagjen “28 Nëntori”. ABC News siguroi pamje nga atentati i dështuar në Elbasan. Nga pamjet, shihet personi me bluzë të zezë, Kertezi, i cili fillimisht ndodhej brenda lokalit. Ai qëndron për disa momente në ambientet e brendshme dhe më pas ngrihet nga tavolina për t’u larguar.
Më pas, autori Boriçi, i cili ishte ulur në lokal me një grua, çohet nga karrigia sapo sheh Kertezin.
Jashtë ambientit të lokalit, ai i ka drejtuar armën, por duket se arma ngec dhe Kertezi është larguar menjëherë./abcnews.al Mos rri jashtë: bashkohu me ABC News. Ne jemi kudo! *KryesoreAktualitet elbasanermir kertezipoli borici