Pamje të Maliqit dhe Gorës së Pogradecit të fiksuara më shumë se 80 vite më parë janë rikthyer për publikun përmes një ekspozite fotografike. Fotot, të realizuara gjatë viteve 1940-1941 nga arkeologu dhe studiuesi i kulturës popullore Kristo Petro Mesogjiti, dokumentojnë jetën e përditshme, peizazhet, banesat dhe traditat e banorëve të zonës në periudhën e Luftës Italo-Greke. LEXO edhe...HARTA E PS/ Nga Vau i Dejës në Libohovë, bilanci i bashkive që ‘shkrihen’! Në lojë një buxhet 14 mld lekë dhe 600 mln lekë borxhe! Në pikëpyetje fati i mbi 4 mijë punonjësve Mesogjiti shërbeu si ushtar dhe përkthyes në frontin greko-italian dhe, gjatë qëndrimit në Maliq, krijoi një arkiv me vlera të veçanta historike dhe etnografike, një pjesë e të cilit prezantohet për herë të parë në këtë ekspozitë. “Me këtë aparat fotografik, përveç fotografive me karakter ushtarak, ai ka fiksuar pamje nga të gjitha zonat, nga fshatrat e Maliqit, Pogradecit dhe kryesisht në Maliq, ku ishte komanda e trupave greke. Kishte bërë shumë fotografi, por për shkak të kushteve të luftës një pjesë humbën. Në këtë ekspozitë janë rreth 60-70 fotografi, të shoqëruara edhe me materiale nga ditari i tij.”, tha Petro Filipu, studiues, ish-kryebashkiak i Saronikos, i cili kishte ardhur nga Greqia për ekspozitën. Përveç fondit fotografik, ekspozita përfshin edhe pjesë nga ditari i autorit, ku përshkruhen zakonet, traditat dhe mënyra e jetesës së shqiptarëve të asaj kohe. “Kristo Petro Mesogjiti shkruan se populli shqiptar është një popull shumë i vuajtur, por shumë punëtor dhe i zgjuar. Nëse do t'i jepet mundësia, ai do të përparojë jashtëzakonisht. Këto janë vlerësime që ai i ka lënë në ditarin e tij gjatë viteve 1940-1941.”, vijoi Filipu. Ekspozita do të qëndrojë e hapur për publikun deri më 9 gusht në hollin e Qendrës Kulturore Komunitare “Dhimitër Orgocka” në Maliq, duke u dhënë vizitorëve mundësinë të njohin historinë e Maliqit përmes një fondi të rrallë fotografik. Share B.G/E.H/ReportTv.al maliq Petro Filipu Kristo Petro Mesogjiti ekspozita ekspozite Komento Komente Sondazhi i ditës: GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord? Po 34.8% Jo 60.2% Nuk e di 5% Vota total: 2530 Sondazhi i ditës: GJKKO kërkon të kufizojë aksesin e mediave dhe të drejtave të gazetarëve gjatë seancave, a jeni dakord?
