Ndoshta nuk pritej kjo diferencë. Egnatia nuk ia doli dot në ndeshjen e parë të turit të tretë të Ligës së Europës luajtur në Irlandë, duke pësuar një humbje jo vetëm në shifra, por edhe në lojë.
Kampionia e Shqipërisë u mund 3-1 nga rivali Shamrok Rovers dhe do t’i duhet të fitojë me 3 gola diferencë në sfidën e dytë në Rrogozhinë në Ligën e Europës.
Të besuarit e trajnerit Nevil Dede shkuan në ishullin verior europian me bindjen se ishin të paktën të barabartë me kundërshtarin, në mos superiorë, pasi u eliminuan nga Champions vetëm me penallti nga Celje e Sllovenisë. Gjithsesi, realiteti ishte ndryshe. Vendasit luajtën më mirë dhe shënuan të parët, Bërk me penallti.
Sidoqoftë, ekipi shqiptar barazoi që në pjesën e parë në 41’, me golin që fillimisht iu dha lojtarit tonë Haime, por që pastaj u saktësua si autogol.
Pas pushimit, irlandezët shënuan dy herë brenda dy minutave duke fituar ndeshjen. Pikërisht pjesa e dytë e ndeshjes bëri diferencën dhe Shamroku ishte dukshëm më lart, e mund të kishte shënuar edhe herë të tjera. Sfida e kthimit luhet në Arenën e Rrogozhinës në 13 gusht./abcnews.al Mos rri jashtë: bashkohu me ABC News. Ne jemi kudo! *AnashAktualitet egnatiairlandeliga e europpes