Italia kërkon të kthejë faqen pas humbjes së rëndë ndaj Belgjikës dhe të marrë një rezultat pozitiv në transfertën e vështirë ndaj Turqisë. Por në prag të sfidës në Bursa, vëmendjen e merr një detaj i veçantë: dy vëllezërit Pio dhe Sebastiano Esposito mund të jenë njëkohësisht në formacionin titullar të “Azzurrëve”.
Roberto Mancini pritet të ruajë skemën 4-3-3, por me disa ndryshime të rëndësishme në formacion. Përpara Donnarummës, mbrojtja pritet të përbëhet nga Kayode në të djathtë, Scalvini dhe Bastoni në qendër, ndërsa Ruggeri shihet favorit për krahun e majtë. Në mesfushë, Tonali mbetet një pikë e rëndësishme, me Frattesin dhe Fagiolin që pritet ta shoqërojnë. Ndërkohë, dilemat më të mëdha janë në repartin ofensiv.
Pio Esposito është favorit për të luajtur si sulmues qendre, ndërsa në krahun e majtë pritet Raspadori. Në të djathtë, Sebastiano Esposito është në avantazh ndaj Kean dhe kështu dy vëllezërit mund të zbresin njëkohësisht në fushë me fanellën e Italisë.
Një skenar i veçantë për futbollin italian, me Pio dhe Sebastiano Esposito që mund të formojnë së bashku treshen e sulmit të “Azzurrëve”. Për Italinë, megjithatë, ndeshja ka rëndësi shumë më të madhe se ky rekord familjar. Pas humbjes me Belgjikën, skuadra e Mancinit kërkon pikë për t’u larguar nga fundi i grupit dhe për të shmangur komplikimet në Nations League, ndërsa pas Turqisë e pret një transfertë edhe më e vështirë ndaj Francës.
Në krahun tjetër, Turqia e Vincenzo Montellës do të jetë pa dy prej emrave më të njohur të saj, Hakan Calhanoglu dhe Kenan Yildiz, të dy të dëmtuar. Top Channel