Giorgia Meloni / Qeveria italiane ka pësuar një humbje të dyfishtë në samitin e Bashkimit Evropian. Ajo mbeti e izoluar si për çështjen e Ceutës dhe zonës Shengen, ashtu edhe për planin e ngritjes së qendrave të emigrantëve në vendet afrikane, bazuar në “modelin shqiptar”... Qëndrimi zyrtar i qeverisë italiane është se samiti shënoi një hap përpara, pasi propozimi i Romës për ndërtimin e qendrave të reja për emigrantët në vende të treta u diskutua për herë të parë në një nivel kaq të lartë politik.
Sipas qeverisë së Giorgia Melonit, kjo nismë do të duhej të shërbente si një model i ri për menaxhimin e flukseve migratore, duke ndjekur shembullin e marrëveshjes së nënshkruar me Shqipërinë.
Megjithatë, sipas kritikëve të qeverisë, realiteti rezultoi krejtësisht ndryshe. Gjatë videokonferencës së ministrave të Brendshëm të Bashkimit Evropian, çështja u trajtua vetëm shkurtimisht dhe nuk u mor asnjë vendim konkret.
Për më tepër, ideja e ngritjes së qendrave në Afrikë, e paraqitur nga Roma si tema kryesore e samitit, nuk u përfshi as në dokumentin përfundimtar të takimit.
Kjo konsiderohet si një goditje e rëndësishme politike për qeverinë e Melonit, e cila prej muajsh po përpiqet ta paraqesë këtë strategji si një model që mund të zbatohet në të gjithë Evropën.
Por kjo nuk ishte e vetmja humbje e Italisë. Një tjetër goditje erdhi në lidhje me situatën në Ceuta, enklavën spanjolle në Afrikën e Veriut, e cila ishte shndërruar në qendër të debateve politike gjatë javëve të fundit.
Shtetet anëtare të Bashkimit Evropian vlerësuan se kriza kishte kaluar dhe se asnjë emigrant nuk kishte arritur të hynte në territorin spanjoll ose në hapësirën Shengen. Pikërisht për këtë arsye, vendimi i qeverisë italiane për të pezulluar përkohësisht marrëveshjen Shengen me Spanjën u konsiderua i pajustifikuar dhe i panevojshëm.
Ky vendim jo vetëm që nuk pati ndikim në menaxhimin e situatës, por shkaktoi edhe tensione të reja diplomatike mes Romës dhe Madridit. Qeveria spanjolle reagoi menjëherë, duke kërkuar zyrtarisht heqjen e kufizimeve dhe rikthimin e lëvizjes së lirë.
Ndërkohë, ministri italian i Brendshëm, Matteo Piantedosi, zgjodhi një ton dukshëm më të moderuar gjatë samitit, duke shprehur solidaritet me Spanjën, një qëndrim që nuk ishte dëgjuar në ditët e mëparshme.
Italia përballet me vështirësi të reja në Bruksel
Qeveria italiane kishte planifikuar që pezullimi i marrëveshjes Shengen me Spanjën të zgjaste një muaj të plotë. Megjithatë, zhvillimet e fundit tregojnë se një skenar i tillë ka shumë pak gjasa të realizohet.
Arsyeja kryesore është se masat kufizuese po prekin kryesisht qytetarët italianë dhe spanjollë, duke krijuar pengesa për lëvizjen e lirë të njerëzve dhe duke dëmtuar sektorin e turizmit.
Sipas të përditshmes La Repubblica, ekziston mundësia që këto kufizime të hiqen edhe para mesit të muajit gusht. Një problem tjetër për qeverinë italiane mbetet plani për ngritjen e qendrave të emigrantëve në Afrikë.
Roma synon të ndërtojë struktura të tilla në Ganë, Ruandë dhe Ugandë, pavarësisht polemikave të shumta që kanë shoqëruar marrëveshjen me Shqipërinë dhe kostove të larta që lidhen me këtë model.
Megjithatë, pengesa më e madhe mbetet financimi. Italia kërkon që Bashkimi Evropian të marrë përsipër një pjesë të konsiderueshme të kostove, por shumë vende anëtare e kundërshtojnë këtë ide.
Në veçanti, vendet nordike, të cilat në disa raste kanë mbështetur Melonin në debatin me Spanjën, nuk janë të gatshme të pranojnë rritjen e shpenzimeve evropiane për çështjet e emigracionit.
Për më tepër, nëse fondet për këto qendra do të rriteshin, atëherë do të duhej të zvogëloheshin fondet e kohezionit, një zhvillim që mund të dëmtonte interesat e vendeve të tjera evropiane dhe të dobësonte më tej pozicionin e Italisë.
Në këtë mënyrë, samiti përfi me dy goditje të njëpasnjëshme për Giorgia Melonin, duke e lënë Italinë më të izoluar se më parë në një nga debatet më të ndjeshme dhe më të ndërlikuara që po përballon sot Bashkimi Evropian./Pamfleti nga “La Notizia”dy humbjet e melonit brukseli samiti Lini një Përgjigje Anuloje përgjigjen Forum Nga Tirana në Beograd: protesta të ngjashme, regjime të ndryshme 5 Gusht 2026, 17:0517:05Forum Nga flamingot te politika: Protesta që po sfidon modelin e zhvillimit në Shqipëri 5 Gusht 2026, 14:1814:18Forum Doktor Cubi 5 Gusht 2026, 14:2014:20Forum Ben Blushi: Ndarja territoriale, a ka ardhur koha ta zhdukim jugun dhe veriun? 5 Gusht 2026, 09:5409:54Forum Një reformë pa vetëqeverisje 4 Gusht 2026, 18:2618:26Forum Aleati ynë, Shqipëria, është në telashe dhe SHBA-ja s’duhet të rrijë duarkryq 4 Gusht 2026, 12:4612:46Forum