Durrësi është kthyer në qendrën e peshëngritjes evropiane, duke mirëpritur mbi 700 sportistë nga vende të ndryshme të kontinentit, në kuadër të Kampionatit Evropian të Peshëngritjes për të Rinj dhe U23. Kampionati nisi ditën e djeshme dhe do të zgjasë 7 ditë deri në datën 19 tetor. Në këtë kampionat do të marrin pjesë 40 shtete europiane me peshëngritës të të dyja gjinive. Në ditën e parë, krahas garave u organizua edhe një ceremoni hyrëse. LEXO edhe...Vetëm 2 muaj në detyrë, Migen Duka largohet nga drejtimi i Ujësjellës-Kanalizimeve në Durrës! Vendin e tij e zë Albi Lika Presidenti i Federatës Shqiptare, Elez Gjozaj, tha se objektivi i ekipit tonë është fitimi i të 12 medaljeve. Ndërkohë ai tha se federata ka si synim të marrë mbi vete edhe organizimin e botërorit të këtyre moshave. Ndërsa Presidenti i Federatës Botërore të Peshëngritjes, Mohamed Jalood tha se tashmë Shqipëria zë një vend të rëndësishëm në peshëngritje jo vetëm me sportistë cilësorë, por edhe për organizimin e turneve të rëndësishëm. Ky aktivitet i rëndësishëm ndërkombëtar mbledh në Shqipëri talentet e reja të peshëngritjes evropiane, të cilët do të garojnë për titujt kontinentalë, duke sjellë emocione, konkurrencë të fortë dhe një nivel të lartë sportiv. Kampionati zhvillohet nën vëmendjen e institucioneve drejtuese të peshëngritjes ndërkombëtare, me pjesëmarrjen e Federatës Ndërkombëtare të Peshëngritjes (IWF) dhe Presidentit të saj, Mohamed Jalood, duke i dhënë aktivitetit një rëndësi të veçantë për sportin shqiptar dhe promovimin e Shqipërisë në arenën ndërkombëtare. Përtej garës për medalje dhe rezultate, kampionati përfaqëson një mundësi të rëndësishme për promovimin e vlerave të sportit, shkëmbimin e përvojave mes federatave dhe afrimin e brezave të rinj përmes disiplinës, përkushtimit dhe respektit për kundërshtarin. Organizimi i një eventi të këtyre përmasave e vendos Durrësin në qendër të vëmendjes sportive evropiane, ndërsa pjesëmarrja e qindra sportistëve, trajnerëve, delegacioneve dhe përfaqësuesve të institucioneve sportive krijon një mundësi të rëndësishme edhe për promovimin e qytetit dhe të Shqipërisë si destinacion për aktivitete të mëdha ndërkombëtare. Kampionati Evropian i Peshëngritjes për të Rinj dhe U23 është një festë e sportit, talentit dhe ambicies së brezit të ri, ku çdo ngritje peshe përfaqëson punën, sakrificën dhe ëndrrën për të arritur majat e sportit evropian. Durrësi mirëpret Evropën e peshëngritjes, në një ngjarje që bashkon sportistët e së ardhmes dhe forcon rolin e Shqipërisë në organizimin e aktiviteteve sportive ndërkombëtare. R.Xh/E.H/ReportTv.al kampionati europian peshengritje Durres Komento Komente Sondazhi i ditës: Berisha kundër votimit elektronik në 2027, a besoni se mund të manipulohet? Po 26% Jo 69% Nuk e di 5% Vota total: 715 Sondazhi i ditës: Berisha kundër votimit elektronik në 2027, a besoni se mund të manipulohet?
