Një operacion antidrogë i koduar “Late-night” është finalizuar nga specialistët për Hetimin e Krimeve të Komisariatit të Policisë Himarë, pas informacioneve se në një lokal nate në plazhin e Potamit shiteshin lëndë narkotike.
Si rezultat i operacionit, në pranga janë vënë pronari i lokalit, 33 vjeç si dhe banakieri,20 vjeç.
Gjatë kontrollit fizik të 20-vjeçarit u gjetën 5 doza të dyshuara kokainë dhe 8 doza Cannabis Sativa. Ndërkohë, gjatë kontrollit në banesën e pronarit të subjektit u sekuestruan 145 doza të dyshuara kokainë, një peshore elektronike dhe një armë sportive (pistoletë), të cilën e posedonte pa leje. Në total, Policia sekuestroi 150 doza kokainë, 8 doza Cannabis Sativa, një armë sportive, dy celularë dhe një peshore elektronike./abcnews.al Mos rri jashtë: bashkohu me ABC News. Ne jemi kudo! *AnashAktualitet Drogëhimarelokal