Filmi i ri “Godzilla Minus Zero” ka tërhequr vëmendjen e industrisë së kinemasë në Shtetet e Bashkuara, pas rezultateve të forta të regjistruara gjatë shfaqjeve paraprake. Sipas raportimeve të Deadline, prodhimi ka arritur rreth 30–33 milionë dollarë arkëtime të parashikuara për fundjavën e hapjes, një rezultat që mund të përbëjë një rekord për një film në gjuhë të huaj në tregun amerikan. Interesi për filmin vjen pas suksesit të prodhimeve të mëparshme të kësaj serie dhe pritshmërive të larta nga publiku. Godzilla mbetet një prej personazheve më të njohur të historisë së kinemasë, me një histori që nis në Japoni dhe është zgjeruar ndër vite në tregun ndërkombëtar.Lexo edhe:Hollywood tronditet nga mega-marrëveshja 110 miliardë dollarëshe, krijohet gjiganti i ri i filmit dhe televizionit Rezultati i filmit është veçanërisht domethënës për industrinë japoneze të kinemasë, pasi tregon se prodhimet në gjuhë të huaj mund të konkurrojnë me sukses në tregun amerikan, edhe përballë filmave të mëdhenj të studiove hollivudiane.
