Katër persona kanë kërkuar ndihmë mjekësore gjatë protestës së sotme në Tiranë, mes tyre dy protestues dhe dy efektivë të Policisë së Shtetit. Ministria e Shëndetësisë dhe Mirëqenies Sociale ka publikuar bilancin paraprak të të lënduarve deri në orën 19:00 të kësaj të diele, 25 tetor 2026, bazuar në informacionet e marra nga strukturat spitalore. Sipas njoftimit zyrtar, në Spitalin Universitar të Traumës janë paraqitur tre persona të lënduar, dy protestues dhe një efektiv policie. Njëri prej protestuesve vijon të jetë i shtruar në spital, ndërsa protestuesi tjetër dhe efektivi i policisë kanë marrë trajtimin e nevojshëm mjekësor dhe janë larguar nga spitali. Ndërkohë, në Qendrën Spitalore Universitare “Nënë Tereza” është paraqitur një tjetër efektiv i Policisë së Shtetit, i cili po i nënshtrohet ekzaminimeve mjekësore. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
