TIRANË- Analisti Artur Nura, i ftuar në “Breaking News” në ABC News, ka komentuar protestën e sotme, duke e cilësuar dhunën e shënuar gjatë saj si të strukturuar.
Ai u shpreh se dhuna është e papranueshme në një sistem demokratik, ndërsa ngriti dyshime për organizim pas protestës dhe për praninë e personave të trajnuar për të realizuar veprime të dhunshme.
“Dhuna nuk mund të pranohet kurrsesi. Dhuna është e papranueshme në demokraci. Askush nuk beson se kjo protestë nuk ka organizim nga pas. Pas ka një organizim të caktuar. Aty ka njerëz të trajnuar. Mund të kemi pasur dhe trajnime për t’i realizuar këto gjëra. Kjo duket e organizuar”, deklaroi Nura në “Breaking News”.
Protesta, e cila ka hyrë në ditën e pestë është shoqëruar me përplasje dhe tensione. Mos rri jashtë: bashkohu me ABC News. Ne jemi kudo! *KryesoreAktualitet