Foto Ilustruese/ Ka shkuar në 12 numri i personave të arrestuar për vrasjen e turistit portugez Miguel Mendes në “Principotes” në Ksamil. Hetimet për vrasjen e turistit portugez Miguel Mendes në Ksamil po zgjerohen te personat që ndodheshin në “Principotes” dhe te veprimet e kryera menjëherë pas krimit.
Numri i të arrestuarve ka arritur në 12. Mes tyre Sokrat Vata, 29 vjeç, i dyshuar si autor i vrasjes, si dhe persona të tjerë që po hetohen për rolin e tyre në ngjarje dhe pas saj.
Po ashtu në pranga ka përfunduar edhe Moisid Matushaj, 24 vjeç, banues në Gjirokastër. Matushaj mban detyrën e Ndihmës Specialistit të Hetimit të Krimit në Drejtorinë Vendore të Kufirit Gjirokastër.
Por krahas detyrës në polici, nga hetimet rezulton se Matushaj punonte edhe si truprojë për kompaninë “Elite Security” në “Principotes”. Në të njëjtin shërbim sigurie punonte edhe Sokrat Vata. Hetuesit dyshojnë se Matushaj e ndihmoi 29-vjeçarin të largohej nga vendi i ngjarjes pasi Miguel Mendes u vra.
Vata arriti të largohej nga Ksamili pas krimit. Policia e lokalizoi dhe e arrestoi disa orë më vonë në Fier. Ai u kap në aksin Levan-Fier, i fshehur në bagazhin e një automjeti. Hetimi po përqendrohet për këtë arsye jo vetëm te momenti kur u vra turisti, por edhe te mënyra se si autori i dyshuar arriti të largohej nga kompleksi dhe te personat që mund ta kenë ndihmuar.
Një tjetër zhvillim është shpallja në kërkim e Bekim Bulicës.
Bulica rezulton pronari në hije i “Principotes”, ndërsa në dokumente pronare figuron nëna e tij, Kade Bulica, 72 vjeçe. Autoritetet duhet të përcaktojnë rolin konkret të Bulicës dhe arsyen ligjore të shpalljes së tij në kërkim. Emri i Bekim Bulicës është përmendur edhe më parë në materiale të lidhura me hetime për trafik ndërkombëtar droge dhe pastrim parash.
Sipas informacioneve të publikuara më herët nga “Pamfleti”, autoritetet franceze kishin përcjellë drejt institucioneve shqiptare të dhëna për një rrjet shqiptar të shpërndarjes së kokainës në Paris, ku përmendej edhe emri i Bulicës. Po sipas këtyre informacioneve, BKH kishte nisur verifikime për pastrim parash, ndërsa SHISH kishte përcjellë informacione pranë institucioneve për aktivitetin e tij. Këto të dhëna lidhen me materiale të mëparshme dhe nuk përcaktojnë përgjegjësi penale të Bulicës për vrasjen e turistit në Ksamil.
Ngjarja e rëndë ndodhi në orët e para të mëngjesit në ambientet e “Principotes”. Miguel Mendes kishte ardhur në Ksamil së bashku me një grup turistësh për të kaluar pushimet në jug të Shqipërisë.
Sipas hetimeve paraprake, përplasja dyshohet se nisi për motive të dobëta. Një nga pistat që policia po verifikon lidhet me një konflikt për një vajzë.
Sokrat Vata, 29 vjeç, banues në Has, punonte në “Principotes”. Pas konfliktit, ai e goditi Mendes me mjet prerës në shpinë dhe kraharor, duke i shkaktuar plagët që sollën vdekjen e tij.
Një tjetër element që po verifikohet lidhet me atë që ndodhi pas vrasjes. Sipas raportimeve për ngjarjen, trupi i turistit dyshohet se qëndroi për rreth tre orë në ambientet e jashtme përpara se policia të mbërrinte në vendngjarje.
Policia shoqëroi 42 persona, mes tyre punonjës dhe klientë të kompleksit. Hetimet e mëtejshme kanë çuar numrin e të arrestuarve në 12, ndërsa po përcaktohet përgjegjësia individuale e secilit.
Fakti që një efektiv policie punonte si truprojë në kompleks dhe tani dyshohet se ndihmoi autorin e dyshuar të largohej, ndërsa Bekim Bulica është shpallur në kërkim, e ka zgjeruar hetimin përtej konfliktit fillestar.
Prokuroria dhe policia duhet të zbardhin tani jo vetëm dinamikën e vrasjes së Miguel Mendes, por edhe çfarë ndodhi në “Principotes” pas krimit, kush e ndihmoi Sokrat Vatën të largohej dhe cili është roli i secilit prej 12 personave të arrestuar dhe i Bekim Bulicës, tashmë të shpallur në kërkim. /Pamfletidetaje të reja nga vrasja e portugezit principote arrestim ksamil Lini një Përgjigje Anuloje përgjigjen Kronike Atentati i dështuar në Elbasan, Gjykata lë në burg Poli Boriçin: S’doja ta vrisja 18 Gusht 2026, 15:5015:50Kronike Ekstradimi i grupit të vëzhgimit për vrasjen e Ardian Nikulajt, Gjykata Supreme pranon apelimin e Shqipërisë 18 Gusht 2026, 15:3515:35Kronike Vrasja e turistit te “Principotes”, autori “kyç” gojën para hetuesve; zbardhen dëshmitë e dy turqve që e shoqëruan! 18 Gusht 2026, 15:2115:21Kronike Autori i vrasjes së portugezit te “Principote”, publikohet fotoja e Sokrat Vatës 18 Gusht 2026, 15:1915:19Kronike Vrasja e turistit në Ksamil, shpallet në kërkim Bekim Bulica i "Principotes" 18 Gusht 2026, 13:1713:17Kronike Policia ndryshon versionin e vrasjes: Viktima nuk është francez, por portugez 18 Gusht 2026, 13:1113:11Kronike