Kombëtarja shqiptare luajti dje ndaj San Marinos në transfertë, në “San Marino Stadium”, ku mbështetja e tifozëve kuqezi ishte e jashtëzakonshme.
Sektori i rezervuar për tifozët shqiptarë ishte mbushur plot, por edhe ata që nuk arritën të siguronin një biletë gjetën mënyrën e tyre për të qenë pranë Kombëtares.
Në pamjet e siguruara nga JOQ ALBANIA, disa tifozë kuqezi shihen të pozicionuar në majë të malit, nga ku ndoqën ndeshjen e Kombëtares.
Kur stadiumi është plot, shqiptarët gjejnë një tjetër mënyrë për ta parë ekipin e zemrës. Sepse për Kombëtaren, tifozëria nuk njeh as kufij, as tribuna!