Antiterrori kishte zbuluar një plan për të vrarë një nga ministrat e kabinetit të Fatos Nanos. Ky zhvillim vinte pasi në vend ishin rregjistruar dy ngjarje të rënda në shtator të vitit 1998-të. Ishte vrarë Azem Hajdari dhe kishte ndodhur një grusht shteti e situata nuk ishte nga më të qetat. Në shtypin e shkruar të datës 26 shtator 1998-të Gazeta Shqiptare në faqe të parë shkruan: “Plan për të vrarë një nga ministrat” duke zbuluar se frika ekzistonte edhe për krerë të lartë të Policisë. Ndërsa Koha Jonë shkruante: “Meidani para hetuesve” dhe titulli kryesor në RD ishte: “Opozita do ta shemb Nanon” duke i dërguar PD një mesazh të qartë kryeministrit.
