Komisionet Mezini dhe Bezhani u ngritën pas viteve 90-të për të kontrolluar nëse kandidatë për deputetë e zyrtarë të lartë kishin qënë apo jo bashkëpunëtorë të ish-Sigurimit të Shtetit. Në mesin e tetorit të vitit 1997-të Thimio Kondi ministër i Drejtësisë i drejton një kërkesë komisionit Bezhani për Pastërtinë e Figurës të vërtetonte nëse kryesia e PD-së kishte apo jo lidhje me Sigurimin. Kondi kërkonte të hapej edhe dosja e kryetarit të PD-së Sali Berisha. Gazeta Shqiptare në numrin e datës 16 tetor 1997-të në faqe të parë shkruan : “ Hapni dosjen e Berishës” ndërsa për këtë çështje shkruante edhe gazeta Koha Jonë: “ Kondi: Do hapet dosja e Berishës”.
