Mediat opozitare iraniane po raportojnë se Udhëheqësi Suprem i Iranit, Mojtaba Khamenei, ndodhet në gjendje të rëndë shëndetësore dhe mund të jetë pranë vdekjes. Sipas “IranWire”, që citon burime pranë administratës së presidentit Masoud Pezeshkian, në nivelet më të larta të pushtetit po qarkullojnë zëra se Khamenei mund të vdesë në çdo moment.
Ndërkohë, zhvillimet diplomatike në Lindjen e Mesme po marrin vrull. Princi i Kurorës së Arabisë Saudite, Mohammed bin Salman, zhvilloi një bisedë telefonike me presidentin francez Emmanuel Macron, ku u diskutua situata e tensionuar në rajon.
Në të njëjtën kohë, Arabia Saudite pritet të presë një samit në Xheda me pjesëmarrjen e Turqisë dhe Pakistanit, ku tre vendet synojnë të nënshkruajnë një marrëveshje për mbrojtje të ndërsjellë. Top Channel