Një ngjarje e rëndë ka tronditur pasditen e sotme qytetin e Shkodrës. Rreth orës 13:30, në lagjen “Mark Lula”, shtetasi Shtjefen Ziçi, 64 vjeç, dyshohet se ka qëlluar me armë gjahu tip “çifte” bashkëshorten e tij, Bardhe Ziçi, 54 vjeçe, e cila si pasojë e plagëve të marra ka humbur jetën.
Në vendngjarje kanë mbërritur forca të shumta policie, të cilat kanë rrethuar zonën dhe po kryejnë hetimet për zbardhjen e plotë të rrethanave. Dyshimet paraprake janë se bëhet fjalë për një krim brenda familjes, ndërsa autoritetet vijojnë veprimet procedurale për dokumentimin e ngjarjes dhe përcaktimin e motivit të saj.