Lajme Zone
BE-ja i kërkon Rusisë të ndalojë përdorimin e armëve kimike në Ukrainë, paralajmëron sanksione të reja: Autorët duhet të vihen para drejtësisë
EkonomiReport TV

BE-ja i kërkon Rusisë të ndalojë përdorimin e armëve kimike në Ukrainë, paralajmëron sanksione të reja: Autorët duhet të vihen para drejtësisë

BE-ja bëri të ditur se së fundmi ka zgjeruar regjimin e sanksioneve ndaj personave dhe subjekteve të përfshira në përdorimin dhe përhapjen e armëve kimike, ndërsa paralajmëroi se mbetet e gatshme të ndërmarrë masa të tjera ndëshkuese.

Bashkimi Evropian i ka kërkuar Rusisë të ndërpresë menjëherë përdorimin e armëve kimike në Ukrainë, duke paralajmëruar se është i gatshëm të vendosë sanksione të mëtejshme ndaj personave përgjegjës për këto shkelje. “BE-ja i bën thirrje Rusisë që të ndërpresë menjëherë çdo përdorim të armëve kimike dhe të rikthehet në përputhje të plotë me Konventën për Armët Kimike”, thuhet në deklaratën e Shërbimit Evropian të Veprimit të Jashtëm (EEAS). LEXO edhe...Nga Moska në Shenzhen, Putin shfaqet në Kinë me valixhen bërthamore! Gazetari rus vë në siklet oficerin para kamerave: A është e vërteta? Thirrja e BE-së vjen pas publikimit të një hetimi ukrainas, i cili zbuloi përdorim të gjerë dhe sistematik të agjentëve për kontrollin e trazirave si armë kimike përgjatë vijave të frontit, duke ia atribuar këto veprime forcave ruse. Bashkimi Evropian i ka kërkuar gjithashtu Organizatës për Ndalimin e Armëve Kimike (OPCW) të përcaktojë pa vonesë përgjegjësit për shkeljet e pretenduara. Sipas EEAS, organi mbikëqyrës ka vërtetuar metodologjinë e përdorur në hetimin ukrainas. “Çdo rast i një përdorimi të tillë duhet të hetohet plotësisht dhe autorët duhet të vihen para drejtësisë”, theksoi Shërbimi Evropian i Veprimit të Jashtëm. BE-ja bëri të ditur se së fundmi ka zgjeruar regjimin e sanksioneve ndaj personave dhe subjekteve të përfshira në përdorimin dhe përhapjen e armëve kimike, ndërsa paralajmëroi se mbetet e gatshme të ndërmarrë masa të tjera ndëshkuese. Hetimi ukrainas, i publikuar të martën, ngre akuza për përdorimin sistematik të agjentëve kimikë nga forcat ruse në vijën e frontit, një çështje që tashmë ka sjellë reagimin e drejtpërdrejtë të institucioneve evropiane. A.C/ReportTv.al arme kimike Sanksione Rusi Bashkimi Europian Komento Komente Sondazhi i ditës: A i reflekton shqetësimet e qytetarëve pr.buxheti 2027? Po 63.3% Jo 28.7% Nuk e di 8% Vota total: 1044 Sondazhi i ditës: A i reflekton shqetësimet e qytetarëve pr.buxheti 2027?