Deputeti i Partisë Demokratike, Klevis Balliu, zhvilloi sot një takim me një delegacion të kongresmenëve dhe kongresisteve amerikane, ku në fokus ishte situata e sigurisë, krimit të organizuar, korrupsionit dhe funksionimit të institucioneve në Shqipëri. Balliu u paraqiti përfaqësuesve amerikanë një dosje të plotë me memorandum, dokumente dhe materiale, ku trajtohen çështje që lidhen me atë që ai e cilëson si “narkoshteti i Edi Ramës”. Në qendër të prezantimit ishte raporti mes krimit të organizuar dhe strukturave shtetërore, me referenca ndaj SHISH-it, Policisë së Shtetit, AKSHI-t dhe strukturave të sigurisë kibernetike, si dhe çështja Ergys Agasi–Vlora Hyseni. Memorandumi i dorëzuar trajton këto zhvillime si çështje me implikime për sigurinë kombëtare dhe marrëdhëniet e Shqipërisë me partnerët e NATO-s. Një tjetër pjesë e rëndësishme e materialit të paraqitur ishte trafiku ndërkombëtar i drogës dhe pastrimi i parave, veçanërisht përmes sektorit të ndërtimit dhe pasurive të paluajtshme. Në memorandum trajtohen edhe pretendimet dhe dokumentacioni që lidhet me Sinaloan dhe kontaktet e përfaqësuesve të saj me nivelet e larta të qeverisjes shqiptare. EXPLANATORY NOTE 5.10.2026.docx Balliu u ndal gjithashtu te çështja KAYO, duke paraqitur shqetësimet e tij mbi integritetin e prokurimeve në sektorin e mbrojtjes dhe implikimet e mundshme për sigurinë kombëtare. Sipas Balliut, çështjet e paraqitura nuk janë thjesht problem i brendshëm politik, por kanë rëndësi edhe për sigurinë rajonale, NATO-n dhe marrëdhëniet strategjike Shqipëri–SHBA.
Pjesë e rëndësishme e takimit ishte dorëzimi personal i dosjes. Balliu deklaroi se secilit prej kongresmenëve dhe kongresisteve të pranishëm iu dorëzua kopja e plotë e memorandumit, së bashku me dokumentet dhe materialet shoqëruese.
Në përfundim të takimit, Balliu theksoi se “sot nuk u paraqita vetëm me deklarata politike, por me një dosje të plotë, me dokumente dhe me fakte”. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb