Inovacionet janë e ardhmja dhe çelësi që kompanitë të Maqedonisë të fitojnë një avantazh ndaj kompanive evropiane dhe atyre globale dhe vetëm në këtë mënyrë ato mund të luftojnë për hapësirën e tyre në tregjet e mëdha, beson Kryetari i Odës Ekonomike, Branko Azeski.Në forumin e sotëm të biznesit Maqedoni-Austri, të organizuar nga Oda Ekonomike e Maqedonisë së Veriut dhe Departamenti i Tregtisë i Ambasadës Austriake në Shkup, Azeski tha se vazhdimisht u kërkon kompanive të raportojnë çdo iniciativë për futjen e zgjidhjeve inovative duke përdorur teknologji të reja në Odën Ekonomike, në mënyrë që t'u ndihmohet, përcjell "Lokalno". Sipas tij, kjo është e vetmja mënyrë që kompanitë e vendit mund të jenë konkurruese me ato evropiane."Nëse kompanitë tona fitojnë ndonjë avantazh këtu në fillim dhe plotësojnë boshllëqet në sistem që krijojnë flukse shtesë, atëherë ato kanë një shans për të bërë diçka. Kjo është arsyeja pse dua të theksoj se të gjitha përpjekjet tona me Qeverinë janë të përqendruara në këtë. Kjo është arsyeja pse u kërkoj kompanive të na informojnë për çdo iniciativë të tillë, të ngrenë këto çështje, sepse vetëm në këtë mënyrë do të kemi një produkt konkurrues në eksport", tha Azeski.Ai theksoi se Maqedonia nuk mund të mbijetojë pa eksporte, sepse eksportet janë çelësi për çdo vend të vogël. Sipas tij, diversifikimi i tregut është gjithashtu i nevojshëm në mënyrë që kompanitë maqedonase të mund të eksportojnë në tregje të tjera përveç atij evropian."Eksporti është çelësi që duhet të hapë tregjet dhe të ndryshojë situatën aktuale me 75% të transaksioneve tona ekonomike që shkojnë në BE. Ne duhet të diversifikohemi me tregje të tjera, sepse nuk mund të vazhdojmë kështu, në mënyrën se si jemi organizuar. Ne duhet të hapim tregje të reja dhe të mundësojmë shkëmbimin e ideve dhe zhvillimin", tha Azeski./Telegrafi/
