“E bëra për t’u hakmarrë për vëllain tim, të cilin e ka plagosur 15 vite më parë”. Kështu mësohet të ketë deklaruar para hetuesve Poli Boriçit, 52-vjeçari i arrestuar për atentatin e dështuar në Elbasan, ku shënjestër ishte 50-vjeçari Ermir Kërtezi. Sipas deklarimit të tij, motivi i sulmit lidhet me një ngjarje të ndodhur vite më parë. Boriçi ka pretenduar se Kërtezi i kishte plagosur të vëllain dhe se pasojat e asaj ngjarjeje kanë qenë të rënda, deri në paralizimin e tij. Por përballë këtij versioni qëndron deklarimi i personit që ishte shënjestra e sulmit. Kërtezi ka thënë se marrëdhëniet mes tyre ishin normalizuar dhe se dy familjet banonin pranë njëri-tjetrit dhe nuk kanë patur probleme për një dekadë e gjysmë. Ndërkohë burime nga grupi hetimor bëjnë më dije se janë duke hetuar edhe pista të tjera ndoshta një konflikt i kohëve të fundit mes vetë autorit dhe shënjestrës. LEXO EDHE:Flakët përfshijnë ullishten në Cërrik, zjarrfikësit neutralizojnë rrezikun pranë banesave (VIDEO) Ngjarja e pazakontë ndodhi rreth orës 12:40 të së shtunës në lokalin në hyrje të qytetit të Elbasanit, i cili në ato momente ishte plot me klientë. Nga keto pamje të siguruara nga Report Tv duket objektivi i atentatit, 50-vjeçari Kërtezi, i veshur me bluzë të zezë. Ai fillimisht ndodhej brenda lokalit, kalon mes përmes ambienteve të jashtme të barit, dhe ndalet për pak sekonda jashtë. Por lëvizjet e tij janë ndjekur nga atentatori Poli Boriçi, i cili ishte në kafe në shoqërinë e bashkëshortes. 52-vjeçari Boriçi çohet menjëherë, nxjerr pistoletën, ia vendos në kokë Kërtezit por arma i bllokohet. Objektivi reagon shpejt, shtyn atentatorin e tij, dhe ka arritur të largohet me shpejtësi. Boriçi e ka ndjekur për pak metra personin që donte ta eliminonte dhe më pas është larguar nga vendi i ngjarjes. Por arratia i ka zgjatur vetëm pak pasi policia ka mundur ta lokalizojë dhe ta arrestojë. Arma e zjarrit që dyshohet se u përdor në atentat u sekuestrua si provë materiale. Tashmë hetuesit po verifikojnë historinë e konfliktit mes palëve, verifikimin se ç’ka ndodhur 15 vite më parë dhe rrethanat në të cilat marrëdhëniet mes dy familjeve, sipas shënjestrës, ishin normalizuar. P.J/E.H/Shqiptarja.com TAG: Elbasan tentative vrasje Poli Boriçi Ermir Kërtezi Sa e vlerësoni këtë artikull? ★ ★ ★ ★ ★ 3.3 / 5 (7 vlerësime) Faleminderit! LAJMET MË TË VLERËSUARA Komente Komento Sondazhi i ditës:
15 Gusht, 13:45
Cili është shkaku i konflikteve në Shqipëri? Politika 58.3% Shoqëria 25.2% Social media 16.5% Vota total: 1520 Votat totale janë unike Sondazhi i ditës: 15 Gusht, 13:45 Cili është shkaku i konflikteve në Shqipëri?