Prej tre ditësh, autostrada Durrës-Tiranë vijon të jetë në këtë gjendje, ndërsa qytetarët shprehen të shqetësuar për mungesën e ndërhyrjes nga institucionet përgjegjëse.
Siç shihet edhe në pamjet e siguruara, një pjesë e sipërfaqes së rrugës është çarë dhe është dëmtuar, ndërsa në disa segmente asfalti paraqitet i ngritur dhe i amortizuar. Qytetarët thonë se situata vijon prej disa ditësh, por deri më tani nuk është ndërhyrë për riparimin e saj.
Problemi po krijon vështirësi për drejtuesit e automjeteve që lëvizin në këtë aks rrugor, i cili është ndër më të frekuentuarit në vend. Pavarësisht se situata vijon prej disa ditësh, deri më tani nuk është ndërmarrë një ndërhyrje për rregullimin e saj.
Qytetarët apelojnë për ndërhyrje sa më të shpejtë nga autoritetet, duke kërkuar që problemi të zgjidhet dhe aksi të kthehet në kushte normale për qarkullimin.