Ramón Ángel Álvarez Ayala, i njohur me nofkën "El R-1" dhe i identifikuar si një nga liderët e kartelit të Gjeneratës së Re të Jalisco-s (CJNG), lidhet jo vetëm me vrasjen e ish-kryebashkiakut të Uruapanit, Carlos Manzo, por edhe me vrasjen e influenceres Valeria Márquez në maj të vitit 2025. "'El-R-1' është identifikuar si udhëheqësi kryesor i "Los Rs", një prej celulave kriminale më të dhunshme të lidhura me CJNG, me operacione në Apatzingán, Uruapan dhe Morelia, në Michoacán, si dhe në Jalisco", tha sekretari i Sigurisë Publike, Omar García Harfuch në një postim në rrjetet sociale. LEXO edhe...Vëllai i ‘El Mencho’-s deklarohet fajtor, përballet me minimalisht 15 vite burg për bashkëpunim në trafikun e drogës! Vendimi më 13 nëntor Sipas García Harfuch, hetimet mbi aktivitetet e kartelit ndihmuan autoritetet të identifikonin Álvarez Ayala-n si një prej drejtuesve të tij dhe të zbulonin përfshirjen e tij të dyshuar në veprimtari të dhunshme kriminale, përfshirë trafikimin e armëve, trafikun e drogës, zhvatjen dhe shantazhin e organizuar. Autoritetet kanë deklaruar se Álvarez Ayala urdhëroi dhe financoi vrasjen e Manzos më 1 nëntor 2025. Ish-kryebashkiaku i Uruapanit, në Michoacán, u vra gjatë festimeve të Ditës së të Vdekurve, një ngjarje që tronditi mbarë vendin. Autoritetet e lidhin "El R-1" me vrasjen e Valeria Márquez García Harfuch tha se hetuesit e kishin lidhur gjithashtu celulën kriminale të Álvarez Ayala-s me vrasjen e Márquez në Zapopan, Jalisco. Márquez, një TikTokere e njohur 23-vjeçare, u qëllua dhe u vra ndërsa transmetonte drejtpërdrejt nga salloni i saj i bukurisë. Ajo u rrëzua para kamerës pasi, sipas videos, u qëllua në gjoks dhe në kokë. "Kjo celulë kriminale dyshohet se ka marrë pjesë, nën urdhrat e tij, në koordinimin e akteve të shumta të dhunshme në rajon. Mes tyre është edhe feminicidi tragjik i Valeria Márquez, i cili ndodhi në maj të vitit 2025 në Zapopan, Jalisco, një krim i lidhur me Francisco-n, ish-partnerin e viktimës dhe djalin e Ramón Ángel-it", tha García Harfuch. Më vonë, kur u pyet drejtpërdrejt për motivin e vrasjes së Márquez, García Harfuch tha se autoritetet kanë siguruar informacione të cilat prokurorët do t’i bëjnë publike ndërsa çështja të përparojë. "Po, ne kemi informacione dhe Prokuroria e Përgjithshme do t’i bëjë ato publike më vonë. Aktualisht po i përfshijmë ato në dosjen e çështjes. Me arrestimin e djeshëm, mësuam se djali i R-1 kishte një marrëdhënie romantike me Valerian. Ai e kishte kërcënuar në disa raste dhe gjithçka tregon, dhe kjo do të provohet, se djali i kërkoi babait të tij, R-1, të kryente vrasjen", tha ai. Sekretari tha se hetimi për vrasjen e Márquez është i ndarë nga çështja që lidhet me Manzon, por arrestimi i Álvarez Ayala-s ka sjellë pista të reja hetimi. "Është një hetim i veçantë nga ai i kryebashkiakut Manzo, por me këtë arrestim kemi gjithashtu pista dhe prova për të gjetur personin tjetër të përfshirë në vrasje, i cili është djali i këtij subjekti", tha García Harfuch. García Harfuch tha se djali i Álvarez Ayala-s "është i lirë dhe ne jemi në kërkim të tij". Dyshime për ndihmë nga persona brenda rrethit të Manzos për vrasjen e tij Autoritetet kanë arrestuar tashmë 31 persona në lidhje me vrasjen e Manzos, përfshirë persona të dyshuar si organizatorë, operatorë logjistikë, rekrutues, bashkëpunëtorë dhe individë të akuzuar se kanë siguruar informacione mbi lëvizjet e kryebashkiakut. García Harfuch tha se hetuesit kanë përcaktuar se persona brenda rrethit të ngushtë të Manzos dyshohet se i kanë kaluar informacione grupit kriminal përgjegjës për kryerjen e sulmit. Arrestimi i Álvarez Ayala-s erdhi pas një hetimi që, sipas autoriteteve, përfshiu analiza mjeko-ligjore, komunikime telefonike, transferta financiare, intervista, deklarata dëshmitarësh dhe përgjime të autorizuara nga gjykata. García Harfuch tha se hetuesit ende nuk e kanë përcaktuar plotësisht motivin, por përmendi dëshmitë e personave të ndaluar, të cilët e konsideronin veprimtarinë e Manzos kundër krimit të organizuar si një sfidë të drejtpërdrejtë ndaj kartelit. Kur u pyet nëse Manzo ishte vënë në shënjestër sepse deklaratat e tij publike i kishin shqetësuar anëtarët e kartelit, García Harfuch u përgjigj: "Dëshmitë e disa të ndaluarve tregojnë se ata e shihnin këtë si një provokim dhe jo thjesht si një bezdi." Manzo, një ish-deputet i partisë në pushtet Morena, i cili më vonë u bë një nga kritikët e saj, shihej gjerësisht si një nga politikanët e paktë që përpiqeshin aktivisht të largonin krimin e organizuar nga komuna e tij. Ai kishte pastruar forcat lokale të policisë, kishte publikuar arrestime në rrjetet sociale dhe vizitonte rregullisht banorët në disa prej lagjeve më problematike të qytetit. Në tetor të vitit 2025, një muaj para vrasjes së tij, ai kishte kërkuar ndihmë nga qeveria federale. Forcat federale arrestuan Álvarez Ayala-n dhe një tjetër të dyshuar gjatë një operacioni në Atotonilco El Alto, Jalisco. García Harfuch tha se forcat e sigurisë u sulmuan nga persona të armatosur që ishin pjesë e eskortës së sigurisë së Álvarez Ayala-s gjatë operacionit dhe se një nga sulmuesit e dyshuar u vra. Autoritetet thanë se arrestimi përbën një përparim të rëndësishëm në përpjekjet për të çmontuar organizatën kriminale dhe për të ndjekur penalisht personat e dyshuar si përgjegjës për vrasjen e Manzos, ndërsa hetimet për vdekjen e Márquez vazhdojnë. Autoritetet meksikane thanë se kanë të dhëna që udhëheqësi i kartelit, Nemesio Oseguera Cervantes, i njohur si "El Mencho", ishte në dijeni të planit për vrasjen e Manzos, e cila u krye në nëntor të vitit 2025, disa muaj para vdekjes së Oseguera-s në shkurt të vitit 2026. P.J/ReportTv.al Kartelet e drogës karteli i jalisco valeria marquez Ramón Ángel Álvarez Ayala El R-1 Komento Komente Sondazhi i ditës: Reforma territoriale, cili opsion ju pëlqen më shumë? 46 bashki (PS) 56.7% 100 bashki (PD) 16.2% 61 bashki (si sot) 27.1% Vota total: 4998 Sondazhi i ditës: Reforma territoriale, cili opsion ju pëlqen më shumë?
