Policia ekuadoriane arrestoi sot një ish-kryetar bashkie, i cili konsiderohet financuesi kryesor i organizatës kriminale Los Lobos, e përfshirë në trafikun e drogës dhe minierat e paligjshme. Bëhet fjalë për Elias Baldor Bermeo, i njohur edhe me nofkën “BB”, i cili sipas Ministrit të Brendshëm John Ryberg konsiderohet “financuesi kryesor i një prej organizatave më të përgjakshme që vendi ka njohur ndonjëherë”.
Sipas autoriteteve, arrestimi i ish-kryetarit të bashkisë së Camilo Ponce Enrique shënon një goditje të rëndësishme ndaj organizatës kriminale Los Lobos, e cila për vite me radhë ka përdorur minierat e paligjshme për të siguruar miliona dollarë fitime. 📍 ALIAS “B.B.” EX ALCALDE DE CAMILO PONCE ENRIQUE FUE CAPTURADO EN OPERATIVO CONTRA LOS LOBOS Las autoridades ejecutaron un amplio operativo en Azuay y El Oro, donde fue detenido Elías Baldor Bermeo Cabrera, alias “B.B.”, señalado por el Gobierno como presunto principal… pic.twitter.com/qsge8ZcXby
— PRENSA Virtual (@PRENSAVirtual_) July 28, 2026 Gjatë operacionit policor në provincën andine të Azuay, autoritetet zbuluan shufra ari që mbanin foton e bosit të ndjerë kolumbian të drogës, Pablo Escobar. Në total u arrestuan gjashtë persona, mes tyre edhe të afërm të Bermeos.
Ministri Ryberg deklaroi se Elias Baldor Bermeo dyshohet gjithashtu se është përgjegjës për organizimin e minierave të paligjshme dhe sulmeve me pajisje shpërthyese.
Sipas tij, gjatë periudhës 2023–2025, Bermeo ka lëvizur rreth 3.2 milionë dollarë përmes kompanive të minierave. Top Channel