Procesi gjyqësor në Dhomat e Specializuara të Hagës ndaj ish-presidentit të Kosovës, Hashim Thaçi, si dhe ndaj Bashkim Smakajt, Isni Kilajt, Fadil Fazliut dhe Hajredin Kuçit, vijon sot në orën 10:30 me përballjen e palëve përmes përgjigjeve dhe komenteve mbi deklaratat përfundimtare lidhur me akuzat për vepra penale kundër administrimit të drejtësisë. Kërkesat e Prokurorisë për dënimet me burg: Hashim Thaçi: 6 vjet burgim. Bashkim Smakaj, Isni Kilaj dhe Fadil Fazliu: nga 3 vjet burgim secili. Hajredin Kuçi: 9 muaj burgim. Të gjitha pretendimet e organit të akuzës janë hedhur poshtë nga ekipet mbrojtëse, të cilat i kanë kërkuar trupit gjykues shpalljen e pafajësisë absolute për të gjithë të akuzuarit.
Gjatë parashtrimeve përfundimtare, avokatja e Thaçit, Sophie Menegon, argumentoi se provat e Prokurorisë janë të pabazuara dhe se nuk ka ekzistuar asnjë grup apo strukturë e organizuar me synim pengimin e drejtësisë. Mbrojtja nënvizoi gjithashtu se ish-presidenti ngarkohet me akuza që lidhen vetëm me pretendime për “tentativë ndërhyrjeje” dhe jo me kryerjen konsoliduar të ndonjë vepre penale. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb