Art, kulturë dhe spektakël. Rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit. 1.FESTIVALI I 28-TË NDËRKOMBËTAR I TEATRIT “SKAMPA” NË ELBASAN LEXO edhe...Aktivitetet kulturore/ ‘Melodi përtej kufijve’ në Universitetin e Arteve! Recital poetik ‘Në çdo pasqyrë na sheh mëkati’, në Durrës Festivali i 28-të Ndërkombëtar i Teatrit Bashkëkohor “Skampa” kthehet në Elbasan prej mbrëmjes së nesërme deri më 5 tetor. Shfaqja e parë që do të ngjitet në skenë është “Medea”, më 30 shtator, në orën 19:30. 2. “NO LIMITS” NGA TETË FOTOGRAFË ITALIANË NË GALERINË “ODA” Nesër, më 30 shtator, në orën 19:00, Galeria “Oda” në Shkodër çel ekspozitën “No Limits”, ku prezantohen punët e tetë fotografëve italianë. Ekspozita zhvillohet në kuadër të edicionit të 17-të të “Fokus Award” dhe sjell për publikun një panoramë të krijimtarisë fotografike bashkëkohore italiane. 3. LIBRI I DIANA KASTRATIT, PREZANTIM NË DITËN E PËRKTHIMIT “Arti i papërsosmërisë. Studime, reflektime e qasje me trininë autor, proces përkthimi e përkthyes letrar” është libri që do të prezantohet nga Diana Kastrati në Fakultetin e Gjuhëve të Huaja në Tiranë, nesër në orën 10:30, pikërisht në Ditën e Përkthimit. 4. “ILUZIONE NË NJË BOTË TË TURBULLT”, EKSPOZITA NGA ABAZ HADO “Iluzione në një botë të turbullt” është ekspozita nga Abaz Hado, që do të çelet sot në orën 18:30 në “Maritim-Hotel Plazza” në Tiranë. 5. FESTIVALI “KËNGA JEHO” NË QENDRËN KULTURORE TË FËMIJËVE “Kënga Jeho në Durrës”, Festivali Mbarëkombëtar i Interpretuesve dhe Krijuesve të Këngës Popullore për Fëmijë do të mbahet prej mbrëmjes së nesërme në orën 18:00 deri më 1 tetor në Qendrën Kulturore të Fëmijëve në Durrës. 6. PREMIERA “MAMA” NGA XHULIANO BRISKU NË TEATRIN “BYLIS” Teatri “Bylis” sjell nesër në orën 19:00 premierën e shfaqjes “Mama” me regji të Xhuliano Briskut dhe me autor Odise Plakun. Shfaqja rrëfen historinë e një mësueseje në prag të pensionit, e cila ka edukuar breza të tërë nxënësish, por nuk ka mundur të gjejë te i biri dashurinë dhe përmbushjen që ka shpresuar. Ajo do të vijojë të shfaqet deri më 2 tetor. 7.KOMEDIA “DASMA” E VARDAR, TRI SHFAQJE NË TEATRIN E KUKULLAVE “Dasma”, komedia e Alil Vardar, do të vijojë të shfaqet në skenën e Teatrit të Kukullave edhe sonte dhe nesër në orën 20:00. 8. KËNGËTARI RENIS GJOKA, KONCERT LIVE PËR PUBLIKUN NË PATOS Renis Gjoka do të vijë me një koncert ‘live’ në Patos, të hapur për publikun, mbrëmjen e sotme. 9. TIRANË/“PLATONËT E VEGJËL” – LABORATOR FILOZOFIE PËR FËMIJË “Platonët e Vegjël” vijon me takimin e dytë të programit “Të mërkurave me Platonët e Vegjël”, një laborator filozofie, leximi dhe krijimtarie për fëmijët 7–10 vjeç. Takimi zhvillohet më 30 shtator në orën 18:00 te libraria “Valentini” në Tiranë. P.J/E.H/ReportTv.al rubrika ciceron Komento Komente Sondazhi i ditës: Ambasadori i ri i SHBA nis misionin, a besoni se do sjellë ndryshim në mjedisin politik? Po 53.9% Jo 38.9% Disi 7.1% Vota total: 3479 Sondazhi i ditës: Ambasadori i ri i SHBA nis misionin, a besoni se do sjellë ndryshim në mjedisin politik?
