Art, kulturë dhe spektakël. Rubrika “Ciceron”, ju njeh me aktivitetet që mund të ndiqni sot dhe nesër në Tiranë dhe disa qytete të vendit. 1. KULTURA NDËRKOMBËTARE/ JAVA E MAQEDONISË SË VERIUT LEXO edhe...Aktivitetet kulturore/ Rikthehet Festivali Kombëtar i Filmit Shqiptar! Ekspozitë me fotografi ‘Për qytetin dhe tregime të tjera’ në Tiranë Nga sot deri më 6 shtator, Shqipëria mirëpret Javën Kulturore të Maqedonisë së Veriut. Përmes muzikës tradicionale, folklorit, poezisë, artit pamor dhe krijimtarisë bashkëkohore, prezantohet një kulturë e pasur, ku traditat e vjetra bashkëjetojnë me shprehjet moderne të artit. 2. EKSPOZITA E GENTIAN ZEKËS NË GALERINË “NIKOLET VASIA” Nesër, më 4 shtator, në orën 19:00, në Galerinë e Artit “Nikolet Vasia” në Durrës, çelet ekspozita personale e artistit Gentian Zeka. Ekspozita do të qëndrojë e hapur deri më 21 shtator. 3. “KUR DURRËSI BËHEJ FILM”, DOKUMENTAR E KONCERT NË DURRËS Nesër, më 4 shtator, në orën 19:30, në Sheshin “Liria” në Durrës, publiku ftohet në një mbrëmje kushtuar trashëgimisë kinematografike dhe muzikore të qytetit. Në program është dokumentari “Kur Durrësi bëhej Film”, i ndjekur nga një koncert me muzikën e filmave të kompozitorit Haig Zacharian. 4. KONCERT NGA SONI MALAJ NË SHESHIN E QYTETIT TË KUKËSIT Soni Malaj do të vijë me një koncert mbrëmjen e nesërme në orën 19:00 në sheshin e qytetit të Kukësit. 5. EKSPOZITA E ARTIT BASHKËKOHOR, KATËR ARTISTE TE “ZETA” “Çfarë nuk mund të përpunohet” (What Cannot Be Processed) është ekspozita që do të çelet nesër në orën 18:00 në Galerinë “Zeta” në Tiranë. Ekspozita e konceptuar nga Marko Stamenković, bashkon veprat e katër artisteve: Enza Rripaj, Besa Mustafaraj, Emi Behari dhe Erisaida Veizaj. 6. “MOS E HUMB NGA SYRI ITAKËN”, EKSPOZITË NË PORTO PALERMO Ekspozita kolektive dhe ndërdisiplinare “Mos e humb nga syri Itakën”, me pjesëmarrjen e një grupi artistësh: Bora Baboçi, Vaster Dhima, Evangelina Gkiokrousi, Ani Muraku, Ledia Kostandini, Beskida Kraja, Redina Qose dhe Vasil Tole do të çelet nesër në orën 18:00 në Kalanë e Porto Palermos në Himarë. Ekspozita merr si pikënisje mitin homerik të Odisesë dhe trashëgiminë e pasur kulturore të Himarës, të rilexuara përmes gjuhës së artit bashkëkohor. Ekspozita vjen e kuruar nga Fabio Toska. 7. “ROOTS IN BLOOM”, SHFAQJE E PUNËVE TË TË RINJVE NË PESHKOPI Pas ditëve të trajnimit, ideve, xhirimeve dhe montazheve, të rinjtë pjesëmarrës në projektin “Rrënjët në lulëzim” (Roots in Bloom) sjellin në ekran rezultatet e punës së tyre. Ata do të shfaqin punët e krijuara nesër në Peshkopi, për të vijuar më tej edhe në Shkodër dhe në Korçë. 8. EDICIONI I KATËRT I FESTIVALIT TË LINIT, TRADITË DHE ART Festivali i Linit kthehet nesër në edicionin e katërt në Lin të Pogradecit, duke vendosur në qendër trashëgiminë kulturore dhe rigjallërimin e saj përmes artit dhe aktiviteteve kulturore. Nën mesazhin “Rijetojmë Trashëgiminë Tonë”, festivali sjell një program që ndërthur traditën, artin dhe bashkëkohoren, në një prej peizazheve më të veçanta kulturore të Shqipërisë. 9. KTHEHEN SHFAQJET E “INKUIZITORI I MADH” TE TEATRI METROPOL “Inkuizitori i Madh”, shfaqje e shkëputur nga romani “Vëllezërit Karamazov” i Fjodor Dostojevskit, rikthehet në skenën e Teatrit Metropol nesër, më 4 shtator në orën 20:00, për të vijuar me shfaqje deri në 6 shtator. Xh.K/ReportTv.al rubrika ciceron Komento Komente Sondazhi i ditës: Qeveria bllokon pagat e magjistratëve pasi KLGJ e KLP i rritën vetë, si e vlerësoni? Të drejtë 73.8% Të gabuar 21.6% Nuk e di 4.5% Vota total: 684 Sondazhi i ditës: Qeveria bllokon pagat e magjistratëve pasi KLGJ e KLP i rritën vetë, si e vlerësoni?
