Një aksident rrugor është regjistruar mesditën e sotme në aksin Levan–Tepelenë, në vendin e njohur si kthesa e Poçemit, ku kanë mbetur të plagosura një nënë dhe vajza e saj.
Sipas raportimeve paraprake, drejtuesi i një automjeti tip “Audi” dyshohet se ka humbur kontrollin mbi mjetin, duke dalë nga rruga dhe duke u përplasur me murin mbrojtës anësor.
Dyshohet se lagështia në asfalt mund të ketë ndikuar në humbjen e kontrollit, por shkaku i saktë i aksidentit ende nuk është përcaktuar.
Si pasojë e përplasjes, nënë e bijë kanë pësuar lëndime dhe pritet të marrin ndihmën e nevojshme mjekësore. Deri më tani nuk ka informacion të detajuar për gjendjen e tyre shëndetësore, ndërsa rrethanat e aksidentit mbeten për t’u sqaruar.