Një aksident i rëndë ka ndodhur në aksin Korçë-Maliq, në afërsi të fshatit Vashtëmi.
Sipas informacioneve paraprake, një mjet tip audi ka përplasur një mjet tjetër i cili ka dalë më pas nga rruga. Nga mjeti i përplasur ka ndërruar jetë drejtuesi i mjetit.
Ndërsa, kanë mbetur të plagosur edhe 3 persona të tjerë, njëri prej tyre po merr ndihmë në spitalin e Korçës dhe 2 vajza në spitalin e Pogradecit.
Policia ndodhet në vendngjarje për zbardhjen e rrethanave.
Mjeti tip audi ka qenë me shpejtësi tepër të lartë dhe ka përplasur nga pas mjetin e viktimës i cili ka qenë vetëm në makinë.
Në mjetin tip audi ishin 4 persona, drejtuesi (i shoqëruar nga policia) dhe 3 persona të tjerë që kanë marrë dëmtime, (1 djalë dhe 2 vajza).
Goditja ka qenë fatale për drejtuesin 27 vjeçar i cili ka ndërruar jetë në vendngjarje. Policia vijon hetimet për aksidentin e rëndë./ CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.