Një aksident tragjik ka ndodhur mbrëmjen e sotme në zonën e Misto Mames, në Tiranë, ku një këmbësore ka humbur jetën pasi është përplasur nga një automjet.
Ngjarja është regjistruar rreth orës 18:30. Sipas të dhënave paraprake, një automjet që drejtohej nga një 23-vjeçar, me inicialet O. V., ka aksidentuar këmbësoren D. P., rreth 55 vjeçe.
Përplasja ka qenë fatale për gruan, e cila nuk ka mundur t’u mbijetojë plagëve të marra dhe ka ndërruar jetë.
Ndërkohë, grupi hetimor ndodhet në vendngjarje dhe po punon për të zbardhur rrethanat e plota të aksidentit, përfshirë mënyrën se si ka ndodhur përplasja dhe shkaqet që çuan në humbjen e jetës së 55-vjeçares.