Presidenti i Ukrainës, Volodymyr Zelenskiy, mirëpret senatorin amerikan Lindsey Graham/ 10 korrik 2026 Kina mund të luajë një rol vendimtar në përfundimin e luftës në Ukrainë, duke përdorur ndikimin e saj ndaj Rusisë për ta shtyrë Moskën drejt negociatave të paqes. Kina mund të luajë një rol vendimtar duke ushtruar presion ndaj Rusisë për të nisur bisedimet e paqes, duke ndihmuar në përfundimin e luftës në Ukrainë. Kjo ishte deklarata e senatorit amerikan Lindsey Graham, i cili shtoi se muajt e ardhshëm do të paraqesin një mundësi për një zgjidhje diplomatike.
Graham, një vizitor i shpeshtë i Ukrainës gjatë luftës, u takua në Kiev me presidentin Volodymyr Zelenskiy. Sipas Zelenskiyt, ata diskutuan nevojat urgjente të Ukrainës për mbrojtjen ajrore dhe projektligjin për sanksionet ndaj Rusisë. Graham u shpreh se forcimi i kapaciteteve ushtarake të Ukrainës dhe koordinimi i sanksioneve me një përpjekje diplomatike mund ta detyrojnë Moskën të ulet në tryezën e bisedimeve.
“Rruga drejt përfundimit të kësaj lufte, rruga drejt paqes, kalon më shumë përmes Pekinit sesa përmes Uashingtonit, Kievit apo Moskës. Kina ka një ndikim jashtëzakonisht të madh. Do të doja që ajo ta përdorte këtë ndikim për të mirën e botës”, deklaroi Graham për gazetarët në sheshin Mykhailivska, në zemër të Kievit.
“Unë nuk besoj se presidenti rus Vladimir Putin është ende në atë pikë, por nuk do të duhej shumë për ta çuar atje. Dhe sa më shpejt të mund të kemi një dialog për paqen, aq më shpejt kjo luftë do të përfjë”, shtoi ai.
Kina dhe Rusia shpallën një partneritet strategjik “pa kufij” disa ditë përpara se Putini të dërgonte dhjetëra mijëra trupa në Ukrainë, në shkurt të vitit 2022.
Administrata e presidentit amerikan Donald Trump po përpiqet të ndihmojë në gjetjen e një zgjidhjeje diplomatike për fundin e luftës, por pavarësisht muajve të përpjekjeve, nuk janë arritur rezultate konkrete.
Luftimet vazhdojnë përgjatë më shumë se 1.200 kilometrave të vijës së frontit. Rusia vijon të godasë qytetet ukrainase larg vijës së luftimeve me raketa dhe dronë. Kombet e Bashkuara deklaruan se muaji qershor ishte një nga muajt më vdekjeprurës të luftës, pasi sulmet ruse vranë të paktën 265 civilë në Ukrainë.
Kievi ka intensifikuar sulmet me dronë brenda territorit rus, duke goditur objektet e naftës dhe prodhimin e armëve, me synimin për të dobësuar aftësinë ekonomike të Moskës për të vazhduar luftën.
Zelenskiy, i cili u takua me Trumpin në fillim të kësaj jave gjatë samitit të NATO-s në Ankara, tha se kishte diskutuar me presidentin amerikan dhe disa liderë europianë, rolin e Kinës në përfundimin e luftës. Gjithashtu, Graham deklaroi se ekipi i Trumpit tashmë mbështet projektligjin për sanksionet ndaj Rusisë, i cili është përgatitur prej muajsh. Legjislacioni synon të ndërpresë burimin e financimit për një pjesë të madhe të operacioneve ushtarake të Rusisë.
“Ne kemi një moment magjik në kohë. Në muajt e ardhshëm, nëse e bëjmë siç duhet, nëse rrisim aftësinë goditëse të Ukrainës dhe i bindim të tjerët të na ndihmojnë për t’u përballur me Putinin, në vend që ta mbështesin atë, ne mund ta përfjmë këtë luftë”, tha senatori Graham./ Përshtati "Pamfleti" nga "Reuters" Lini një Përgjigje Anuloje përgjigjen Rajoni dhe Bota Air Force One hap betejën e radhës mes Trump dhe “New York Times”, gazetarët përballë një jurie federale 11 Korrik 2026, 17:5317:53Rajoni dhe Bota Armëpushimi në rrezik, Izraeli vijon sulmet në Libanin jugor; raportohen viktima 11 Korrik 2026, 16:3816:38Rajoni dhe Bota Lajmet për atentat ndaj Trump, Khamenei mesazh Amerikës: Populli ynë kërkon hakmarrje për vdekjen e babait tim 11 Korrik 2026, 12:5512:55Rajoni dhe Bota Nëse Evropa e humb edhe Luftën e Tretë Botërore… 11 Korrik 2026, 12:3212:32Rajoni dhe Bota Irani sulmon Trump: Ne e mbajtëm fjalën, Uashingtoni shkeli armëpushimin 11 Korrik 2026, 11:4411:44Rajoni dhe Bota "Jam i tronditur nga ky vendim"/ Atentati ndaj gazetarit Sigfrido Ranuccit, Rai pezullon transmetimet e emisionit të tij 11 Korrik 2026, 10:1510:15Rajoni dhe Bota