Kufijtë kanë qenë prej shekujsh burim konfliktesh, luftërash dhe viktimash. Por jo të gjithë kufijtë janë vende tensioni politik. Disa janë aq të pazakontë sa janë kthyer në atraksione turistike: një shtëpi e ndarë mes dy shteteve, një urë ku mund të kalosh nga një vend në tjetrin me disa hapa, apo një labirint ku takohen tri shtete. Labyrint Drielandenpunt – HolandëLexo edhe:Kush i shpiku patatet e skuqura? Në Vaals të Holandës ndodhet një nga kufijtë më të pazakontë të Europës, ku takohen Holanda, Belgjika dhe Gjermania. Pika e takimit ndodhet në qendër të një labirinti të madh me shkurre. Vizitorëve mund t’u duhet deri në një orë për ta gjetur kufirin, ndërsa zona përreth ofron lojëra për fëmijë dhe aktivitete të ndryshme për të rritur. Ponte Internacional do Marco – Portugali Mes Spanjës dhe Portugalisë ndodhet një nga urat ndërkombëtare më të shkurtra në botë. Ajo është vetëm rreth 3.2 metra e gjatë dhe mund të kalohet me disa hapa. Ura lidh La Codosera në Spanjë me Arronches në Portugali dhe është e hapur për këmbësorë dhe mjete me dy rrota. Hotel Arbez – Francë dhe Zvicër Hotel Arbez në Les Rousses është i ndarë mes Francës dhe Zvicrës. Mysafirët mund të kalojnë nga një shtet në tjetrin vetëm duke ngjitur shkallët. Madje, suita e muajit të mjaltit është e ndarë në mes të shtratit, kështu që njëri partner mund të flejë në Francë dhe tjetri në Zvicër. Fshati La Cure u nda mes dy shteteve pas një mosmarrëveshjeje kufitare në vitin 1862. Gjatë Luftës së Dytë Botërore, Rezistenca franceze përdorte pjesën zvicerane të hotelit si strehë. Baarle House – Belgjikë dhe Holandë Në Baarle, kufiri mes Belgjikës dhe Holandës kalon përmes disa ndërtesave. Një shtëpi ka madje dy adresa, një belge dhe një holandeze, sepse dera e saj ndodhet pikërisht mbi kufi. Banorët mund të kalojnë nga një shtet në tjetrin vetëm duke kaluar nga kuzhina në dhomën e ndenjes. Lost Peninsula – SHBA Një pjesë e vogël e Erie Township në Michigan është e rrethuar nga territori i Ohajos. Kjo zonë, e njohur si “Lost Peninsula”, mbeti e shkëputur nga pjesa tjetër e Michiganit pas konfliktit të shekullit XIX mes dy shteteve për Toledo-n. Sot aty jetojnë rreth 140 persona. “The Slash” – SHBA dhe Kanada Në një pjesë të kufirit SHBA-Kanada, pylli është prerë në një brez rreth 6 metra të gjerë, duke krijuar një vijë të dukshme mes dy vendeve. Ky brez mirëmbahet nga Komisioni Ndërkombëtar i Kufirit dhe pastrohet periodikisht për të mbajtur të qartë vijën kufitare. Këta kufij tregojnë se kufijtë ndërkombëtarë nuk janë gjithmonë vetëm vija në hartë; në disa raste, ata janë pjesë e pazakontë dhe interesante e jetës së përditshme.
