Ekskluzivisht nga oborri i Komunitetit Mysliman të Shqipërisë, ku skenari i shkarkimeve dhe lëvizjeve korrekte në letër e ka humbur prej kohësh seriozitetin, myftiu i Vlorës, Ardit Hoxhllaku, sapo është fshirë nga lista e të përshtatshmëve pasi guxoi të prekte me shifra historike mitin e hedhur në treg për Vlorën e vitit 1492. Kjo shfaqje e nisur në fillim të korrikut nisi pikërisht pasi myftiu pati guximin t’i kthente përgjigje publike mjekes hebreje vlonjate Ana Kohen, e cila kishte prodhuar tezën se Vlora e asaj kohe paskësh qenë 90 për qind hebreje dhe vetëm 10 për qind shqiptare. Me regjistrat osmanë të tahririt të shekullit XVI në dorë, ku përmenden ftohtësisht vetëm 665 familje të krishtera dhe 97 familje hebraike të vitit 1506, Hoxhllaku guxoi të demaskonte përrallat statistikore para xhematit, duke harruar se në korridoret e KMSH-së arkivat historike peshojnë më pak sesa rehatia e heshtjes.
100% Pro-Opozitës
1 nga 1 burimet anojnë pro-opozitës.
Përditësuar 1 orë më parë
Artikulli përdor gjuhë sarkastike dhe akuzuese ndaj strukturave institucionale (KMSH) duke e paraqitur myftiun e shkarkuar si viktimë e një hakmarrjeje politike/institucionale.
Analiza e kornizimit bëhet automatikisht. Si funksionon →