Ish-administratori i “Bankers Petroleum”, Leonidha Çobo, i cili është nën hetim në kuadër të dosjes “Bankers” për dyshime mbi fshehjen e të ardhurave dhe pastrimin e produkteve të veprës penale, është shpallur fitues i një tenderi me vlerë rreth 1 milion euro, të zhvilluar nga Fondi Shqiptar i Zhvillimit (FSHZH), institucion i drejtuar nga Dritan Agolli. Kompania “Tetra” sh.p.k., në të cilën Çobo zotëron 20% të aksioneve së bashku me sipërmarrësin Genc Likoskëndaj, është shpallur fituese më 5 gusht 2026 në procedurën për “Ndërtimin e nyjeve multimodale të mobilitetit, Rajoni 3&4: Përmirësimi i performancës së parkimeve përmes plotësimit me pajisje teknologjike”. Fondi limit i tenderit ishte 94.620.680 lekë, rreth 990.792 euro. Në garë mori pjesë edhe kompania “2N” sh.p.k., e cila u skualifikua pasi, sipas FSHZH-së, nuk plotësonte kriteret kualifikuese.
100% Pro-Opozitës
1 nga 1 burimet anojnë pro-opozitës.
Përditësuar 2 orë më parë
Artikulli vë theksin te lidhjet e dyshuara korruptive mes një personi nën hetim dhe një institucioni shtetëror, duke krijuar një kornizim kritik ndaj administratës qeveritare pa balancim me përgjigje zyrtare.
Analiza e kornizimit bëhet automatikisht. Si funksionon →