Karim Benzema nuk është më futbollist i Al-Hilal. Sulmuesi francez dhe klubi arab kanë arritur një marrëveshje për ndërprerjen e bashkëpunimit, duke i dhënë fund përvojës së tij me këtë skuadër.
Me përfundimin e kontratës dhe të bashkëpunimit mes palëve, Benzema është tashmë lojtar i lirë dhe mund të vendosë vetë për hapin e ardhshëm të karrierës së tij.
38-vjeçari largohet nga Al-Hilal pas një periudhe të shkurtër, gjatë së cilës regjistroi 13 paraqitje dhe realizoi 10 gola. Sulmuesi francez ruajti një raport të mirë me golin gjatë ndeshjeve të zhvilluara, por ndryshimet në repartin ofensiv të skuadrës ndikuan në të ardhmen e tij.
Një nga faktorët që duket se ka ndikuar në situatën e Benzema është ardhja e sulmuesit anglez Ollie Ëatkins.
Kjo situatë çoi në diskutimet mes palëve dhe, në fund, Al-Hilal dhe Benzema arritën marrëveshjen për t'i ndarë rrugët.
Tashmë vëmendja është përqendruar te e ardhmja e sulmuesit francez. Benzema është një emër i lirë në treg, por opsionet e tij për vazhdimin e karrierës duket se janë të kufizuara.
Një rikthim në futbollin europian nuk është në planet e lojtarit. Ish-sulmuesi i Real Madridit nuk pritet të rikthehet në një kampionat europian për të vazhduar karrierën e tij.
Një nga mundësitë është që Benzema të qëndrojë në Arabinë Saudite dhe të transferohet te një tjetër klub aty. Kjo do t'i mundësonte francezit të vazhdonte të luante në të njëjtin kampionat dhe të mbetej në futbollin e Lindjes së Mesme.
Opsioni tjetër është tërheqja nga futbolli i luajtur. Pas një karriere të gjatë në nivelet më të larta, ky është një tjetër skenar që po konsiderohet për të ardhmen e sulmuesit.
Benzema ka ndërtuar pjesën më të madhe të karrierës së tij në futbollin europian dhe është fitues i Topit të Artë për vitin 2022. Periudha e tij e fundit te Al-Hilal përfi me 13 ndeshje dhe 10 gola.
Tashmë, në moshën 38-vjeçare, sulmuesi francez duhet të vendosë për hapin e ardhshëm. Vazhdimi i karrierës te një tjetër skuadër në Arabinë Saudite ose tërheqja nga futbolli i luajtur janë dy mundësitë kryesore që ka përpara. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.