Pjesëmarrja në zgjedhjet në Izrael ka arritur në 66.7% deri në orën 18:00, duke shënuar një rritje të ndjeshme krahasuar me proceset e mëparshme zgjedhore. Sipas të dhënave të Komisionit Qendror të Zgjedhjeve, të raportuara nga The Jerusalem Post, deri në këtë orë kanë votuar 66.7% e qytetarëve me të drejtë vote, krahasuar me 57.7% në të njëjtën orë gjatë zgjedhjeve të vitit 2022. Kjo përfaqëson një rritje prej 9 pikësh përqindjeje në raport me zgjedhjet e fundit. Pjesëmarrja është gjithashtu dukshëm më e lartë se në zgjedhjet e mëparshme. Në vitin 2021, deri në orën 18:00 kishin votuar 51.5% e zgjedhësve, ndërsa në vitin 2020 pjesëmarrja në të njëjtën orë ishte 56.3%. Qendrat e votimit do të qëndrojnë të hapura deri në orën 22:00, kur do të përfjë zyrtarisht procesi i votimit. Të dhënat e deritanishme tregojnë një mobilizim më të madh të votuesve krahasuar me zgjedhjet e mëparshme, ndërsa pjesëmarrja përfundimtare do të bëhet e ditur pas mbylljes së qendrave të votimit. © BalkanWeb Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
