Probleme teknike në sistemet e votimit shkaktuan vështirësi gjatë zgjedhjeve të mesmandatit në SHBA, konkretisht në dy qarqe, në Florida dhe Nju Jork.
Në Qarkun Broward, në Florida, një defekt në sistemin e skanimit ndërpreu votimin për rreth 20 minuta në të gjitha qendrat. Kreu i autoritetit zgjedhor, Joe Scott, shpjegoi se sistemi refuzonte gabimisht fletët e votimit, por theksoi se asnjë votë nuk ishte prekur dhe nuk ishte përdorur asnjë fletë e gabuar.
Ndërkohë, në Qarkun Westchester, në Nju Jork, makineritë e skanimit nuk po pranonin fletët e votimit në letër. Autoritetet siguruan qytetarët se votat nuk rrezikonin të humbnin dhe se fletët e plotësuara po ruheshin në mënyrë të sigurt, nën mbikëqyrjen ndërpartiake.
Ekzekutivi i qarkut, Ken Jenkins, u bëri thirrje qytetarëve të vijonin votimin, duke garantuar se çdo votë do të numërohej. Ndërkohë, Komisioni Zgjedhor i Nju Jorkut bëri të ditur se ishin aktivizuar procedurat rezervë për të garantuar vijimin e procesit. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.