Janë zbardhur detaje të reja nga ngjarja e rëndë e regjistruar mbrëmjen e kësaj të marte në kryeqytet, ku një person u gjet i vrarë brenda automjetit të tij në rrugën “Mihal Popi”, pranë zonës së “Vasil Shantos” në afërsi të Komunës së Parisit.
Viktima është identifikuar si shtetasi Ismet Habili, 46 vjeç. Ai dyshohet se është qëlluar me armë zjarri ndërsa ka qenë duke lëvizur me automjet, i cili ka pësuar dëme të shumta dhe xhama të thyer.
Grupi hetimor, nën drejtimin e Prokurorisë, vijon veprimet intensive në terren për zbardhjen e rrethanave dhe kapjen e autorëve.