KURBIN- 40-vjeçari Ilirjan Lika mbeti i vrarë pas atentatit të ndodhur në Laç, ndërsa hetimet e policisë vijojnë për zbardhjen e plotë të rrethanave të ngjarjes.
Sipas burimeve hetimore, arma e zjarrit tip pistoletë e gjetur në vendngjarje është dërguar për ekspertizë me qëllim identifikimin e personit që e posedonte.
Hetuesit dyshojnë se arma mund t’i ketë qenë e viktimës, e cila, sipas pistës kryesore të hetimit, dyshohet se ishte paraqitur e armatosur në derën e banesës së autorit të dyshuar. Ky dyshim mbështetet edhe në konfliktet e mëparshme mes palëve. Sipas të dhënave paraprake, viktima kishte pasur përplasje të vazhdueshme me autorin e dyshuar dhe më herët e kishte kërcënuar se do ta vriste.
Në vendngjarje janë sekuestruar 10 gëzhoja, ndërsa 40-vjeçari mori një plumb në kokë. Ai u transportua me urgjencë drejt spitalit, por nuk arriti t’u mbijetojë plagëve dhe humbi jetën gjatë rrugës.
Grupi hetimor vijon veprimet për të dokumentuar plotësisht ngjarjen, ndërsa rezultatet e ekspertizës pritet të hedhin më shumë dritë mbi dinamikën e krimit.
/abcnews.al/ Mos rri jashtë: bashkohu me ABC News. Ne jemi kudo! *KryesoreAktualitet arma e zjarritekspertizekurbinpoliciavrasje