Drejtori i Policisë së Tiranës, Olgert Torba, është shfaqur drejtpërdrejt në mes të përplasjeve me studentët gjatë protestës para Ministrisë së Arsimit, në një moment kur ndërhyrja e forcave të rendit ka tensionuar më tej situatën. Pamjet tregojnë Torbën duke u futur mes protestuesve, ndërsa përplasjet fizike me efektivët vijojnë. Prania e drejtuesit të policisë në këto momente ngre pikëpyetje mbi mënyrën se si u menaxhua situata dhe mbi përgjegjësinë e zinxhirit drejtues për ndërhyrjen ndaj protestuesve. Protesta e thirrur nga studentët u shoqërua me skena tensioni, shoqërime në polici dhe raportime për demonstrues të lënduar. Në vend që situata të mbetej në kufijtë e një tubimi paqësor, përplasjet mes policisë dhe protestuesve e zhvendosën vëmendjen te mënyra e përdorimit të forcës nga uniformat blu.
Ndërsa Policia e Shtetit ka dhënë versionin e saj për ngjarjet dhe ka njoftuar shoqërimin e 23 personave, mbetet e rëndësishme të sqarohet se si u zhvillua ndërhyrja dhe nëse u respektuan standardet e proporcionalitetit në përdorimin e forcës. Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm