Alban Dokushi, krahu i djathtë dhe njeriu i besuar i kryebashkiakut të arrestuar, Erion Veliaj është rikthyer zyrtarisht në detyrën e Sekretarit të Përgjithshëm, pas një vendimi të formës së prerë të Gjykatës Administrative të Apelit.
Ashtu si Veliaj, me gjyqe e skema të ndryshme, edhe njerëzit e tij hapin procese duke refuzuar vendimet e Ramës dhe duke i qëndruar përballë, duke ngulur një thikë pas shpine ndaj Kryeministrit.
Si në rastin e Veliajt, ku pas arrestimit, kryeministri Edi Rama vendosi të komandojë në krye të Bashkisë Tiranë Anuela Ristanin dhe më pas e shkarkoi në mbledhjen e Asamblesë së PS-së, Veliaj e kundërshtoi dhe me një vendim Gjykata Kushtetuese e riktheu në detyrë.
Po ashtu edhe në rastin e Dokushit, krahut të djathtë të Veliajt, i cili u hoq me firmën e Anuela Ristanit dhe tani me një vendim të Gjykatës Administrative të Apelit rikthehet në detyrë.
I besuari i Veliajt u pushua nga puna në mars të vitit 2025. Vendimi u firmos nga e emëruara e Ramës në krye të Bashkisë së Tiranës, Anuela Ristani. /CNA Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.