Lufta mes kryebashkiakut të Tiranës, Erion Veliaj dhe shefit të qeverisë Edi Rama tashmë është e hapur. Përmes një letre të bërë publike nga qelia e burgut të Fierit, i pari i Tiranës akuzon publikisht kryeministrin se përmes Toni Gogut i ka kërkuar dorëheqjen nga drejtimi i Bashkisë. Veliaj thotë se ministri i Drejtësisë e vizitoi në qeli të premten në orën 22:30, për t’i përcjellë tre kushte që, sipas tij vinin drejtpërdrejt nga Rama, të cilin në letrën e publikuar nuk e përmend drejtpërdrejt me emër, por i referohet vetëm me shkronjën R. LEXO edhe...Një hapësirë për komunitetin në Durrës, stadium dhe fushë futbolli në Katund të Ri Kryebashkiaku pretendon se i është kërkuar të pranojë përfshirjen në organizimin apo financimin e protestave të "flamingove" dhe studentëve. Në të kundërt, sipas tij, është kërcënuar se do t’i shtohen akuzat për “prishje të rendit kushtetues” dhe do të vuajë deri në 100 vite burg. Kushti i dytë, sipas Veliaj, ishte të hiqte dorë nga Bashkia e Tiranës dhe t’ia delegonte Arbër Hajdarit, ndërsa i treti të mos përfaqësohet më nga avokati Plarent Ndreca. Në reagimin e tij, Veliaj sfidon drejtpërdrejt kryeministrin që të provojë pretendimet për lidhjen e tij me protestat, duke shkruar se ai ka më shumë dinjitet se shefi i qeverisë. Ai siguron se fjalët e tij lidhur me takimin s’janë goditje me gurë ndaj shtëpisë socialiste, por as nuk lejon që e njëjta gjë të ndodhë me dinjitetin e tij. Veliaj, i cili ndodhet në burgun e Fierit prej 28 tetorit, thotë se ishte kryeministri Edi Rama ai që ka urdhëruar transferimin e tij, duke anashkaluar ministrin Toni Gogu. Letra e Erion Veliajt Dua të siguroj socialistët se unë nuk e gjuaj shtëpinë time socialiste me gurë, por as nuk lejoj të gjuajë me gurë askush mbi dinjitetin tim. Unë vërtet kam më pak liri sesa Kryeministri, por kam shumë herë më tepër dinjitet se ai. Refuzoj haluçinacionet bolshevike që unë kam organizuar ose financuar protestat dhe e gjithë e vërteta e takimit me ministrin e Drejtësisë, Toni Gogu, është kjo letër e shkruar me dorën time. Sfidoj Kryeministrin e vendit të nxjerrë një provë të vetme për aludimet e protestave. Ndryshe ik! Letra e plotë: E premte, ora 22:30 Toni Gogu vjen në takim pas 20 muajsh. TG: R ka bërë transferimin, urdhër që ky nga konvikt duhet të bëjë burg tamam dhe që personalisht është marrë dhe me lejen për spital, lejet për takime, deri te aksesi tek miqtë e familja. R ka bypass TG dhe ka urdhëruar vetë transferimin e izolimin me këto 3 kërkesa: - Prano përfshirjen me Flamingot - Studentët ose do të shtohen akuzat për “prishje të rendit kushtetues” nga burgu e do bësh 100 vjet burg në 313 e 302. - Hiq dorë nga bashkia TR dhe delegoje (te Arbër Hajdari). - Mos u këshillo më me Plarent Ndrecën. Më herët, reagoi edhe ministri i Drejtësisë, i cili iu referua këtyre pretendimeve, por mohoi vërtetësinë e tyre. Ai tha se në takim ka verifikuar kushtet e trajtimit dhe ka dëgjuar ankesat që janë shprehur edhe nga avokati mbrojtës i Veliajt, Plarent Ndreca. Reagimi i Gogut: Më vjen thellësisht keq për të pavërtetat që janë publikuar sot lidhur me vizitën time në IEVP Fier. Po, e kam takuar Erion Veliajn të premten. Në ushtrim të përgjegjësive të mia si Ministër i Drejtësisë, kam shkuar për t’u njohur me kushtet e trajtimit të tij dhe për të dëgjuar ankesat e shprehura publikisht nga avokati i tij. Me Erionin më lidh një miqësi shumë e hershme, të cilën e dinë të gjithë. Por dua të jem krejt i qartë: Nuk i gjej dot arsyet pse janë stisur ato të pavërteta dhe nuk dua ta besoj që i ka thënë apo shkruar Erioni. Kush më njeh e di se nuk ka asnjë shans, në këtë botë apo në tjetrën, që unë të shqiptoj “mesazhet” që më janë vënë në gojë. Jam vërtet i befasuar. Kam shkuar për të dëgjuar shqetësimet e një njeriu pas një tymnaje mediatike dhe shqetësimeve të kuptueshme të kujtdo që shqetësohet kur flitet për liri e të drejta. Rrethanat e vizitës janë të dokumentuara dhe të verifikueshme. Për të tjerat, koha dhe e vërteta ecin dorë për dore. Letra e bërë publike nga Erion VeliajLajm në përditësim... P.J/SI.E./ReportTv.al Arbër Hajdari Plarent Ndreca burgu i fierit erion veliaj toni gogu edi rama Komento Komente ilir tironci: 02/11/2026 18:06 ky kryeminister tradhtar e bashkpuntor i bandave duhet larguar 1 or e me par,, po dalin lakrat ne shesh se ca fytyre ka pri verteti ky tradhtar i kombit Përgjigju Sondazhi i ditës: A besoni se TVSH-ja 6 përqind për ushqimet do të reflektohet si duhet në uljen e çmimeve? Po 49.6% Jo 42.5% Nuk e di 8% Vota total: 702 Sondazhi i ditës: A besoni se TVSH-ja 6 përqind për ushqimet do të reflektohet si duhet në uljen e çmimeve?
