Ministria e Mbrojtjes ka përditësuar informacionin në lidhje me situatën e vatrave aktive të zjarrit në vend.
Sa i përket vatrës së aktivizuar pasditen e sotme në lagjen Bojë të Krujës, ministria njofton se është kërkuar angazhimi i ushtrisë për shkak të terrenit të vështirë të zonës ku ndodhet vatra. Aktivizohet tjetër vatër zjarri në Krujë 9 Gusht, 20:05 Megjithatë, ministria bën me dije se nuk ka rrezik për banesat nga kjo vatër zjarri. Njoftimi Gjatë ditës së sotme janë raportuar 8 vatra zjarri në qarqet Tiranë, Fier, Durrës dhe Lezhë, nga të cilat 6 vijojnë aktive, ndërsa 2 janë nën kontroll/monitorim. Janë angazhuar 227 forca në terren, ndërsa është kërkuar edhe angazhimi i 50 forcave ushtarake për vatrën në lagjen Boje, Krujë. Janë angazhuar gjithashtu mjete zjarrfikëse, 3 helikopterë, 1 avion Air Tractor, si dhe një mjet ajror i FA-së në Cikallesh. Qarku Tiranë – Në Dajt, pranë fabrikës së ujit Selita, janë rishfaqur disa vatra dhe vijon ndërhyrja e monitorimi. Në Cikallesh, Kavajë, vatra është në rënie dhe po shkon drejt shuarjes së plotë. Në Priskë të Madhe vijon puna për vënien nën kontroll të vatrave të vogla. Nuk ka rrezik për zonat e banuara. Qarku Fier – Në zonën Panahor–Ndrenie–Vlosht, Mallakastër, vijon puna për izolimin e vatrave. Zjarri është nën kontroll. Në Koilaç–Greshicë zjarri është izoluar dhe nën kontroll. Nuk ka rrezik për zonat e banuara. Qarku Durrës – Në Abaze, Krujë, situata është stabilizuar dhe kanë mbetur vetëm vatra të vogla me prush dhe tym. Vijon monitorimi dhe ndërhyrja nga strukturat e angazhuara. Në lagjen Boje, Krujë, për shkak të terrenit të vështirë dhe mungesës së aksesit rrugor, është kërkuar urgjentisht angazhimi i 50 forcave ushtarake. Nuk ka rrezik për zonat e banuara. Qarku Lezhë – Në Vilëz, Kurbin, zjarri vijon aktiv në sipërfaqe pyjore. Në terren janë angazhuar 50 forca nga strukturat vendore, MZSH, Policia dhe vullnetarët. Ndërhyrja nga ajri me 2 helikopterë ka ndërprerë avancimin e zjarrit, duke shmangur djegien e kishës, varrezave dhe banesave përreth. Lajme ekskluzive nga CNA
Doni te informoheni te paret per lajme ekskluzive? Bashkohuni me grupin tone ne Facebook duke klikuar ketu.