Një ngjarje e rëndë ka ndodhur në fshatin Tushemisht të Pogradecit, ku një 63-vjeçar ka humbur jetën si pasojë e një aksidenti gjatë punimeve në shtëpinë e tij. Viktima është Kristaq Çulaku. Burime bëjnë me dije se 63-vjeçari po punonte për riparimin e banesës me një gur fleksibël, i cili gjatë punës është thyer dhe e ka goditur atë me forcë, duke i shkaktuar plagë të rënda. Pavarësisht ndihmës së dhënë, i moshuari ka ndërruar jetë rrugës për në spital për shkak të dëmtimeve të marra. Policia ka shkuar menjëherë në vendngjarje për të zbardhur rrethanat e plotë të ngjarjes, ndërsa trupi i pajetë është transportuar në morgun e spitalit.
